ક્રાઈમ / કાન કાપી સોનાના 2 બૂટિયા-3 કડીની લૂંટ કરી ગળું કાપ્યું, ઉનાના ભીંગરણ ગામમાં 80 વર્ષીય વૃદ્ધાની હત્યા

ગીર સોમનાથ જિલ્લાના ઉના તાલુકાના ભીંગરણ ગામમાં લૂંટના ઈરાદે 80 વર્ષીય વૃદ્ધાની હત્યા કરી દેવાઈ હતી. વૃદ્ધાના ગળા પર તીક્ષ્ણ હથિયારના ઘા ઝીંકવામાં આવ્યાં હતા. ભીંગરણ ગામમાં આંગણવાડી નજીક રહેતાં 80 વર્ષીય રખમાંઈબેન ઘરે એકલાં રહેતાં હતાં, જ્યારે તેમનો પરિવાર વાડીએ રહેતો હતો. વૃદ્ધા એકલાં હોવાનો લાભ લઈ અજાણ્યા શખસોએ લૂંટના ઇરાદે તેમના પર હુમલો કર્યો હોવાની શંકા છે. વૃદ્ધાના ઘરે તેમના સબંધી બેસવા ત્યારે તેમની લાશ જમીન પર પડી હતી.આ દૃશ્યો જોઈને સંબંધીઓ ચોંકી ઉઠયા હતા અને પરિવારજનો તથા પોલીસને ઘટનાની જાણ કરવામાં આવી હતી. ઘટનાની જાણ થતા તેમના ઘરે ગ્રામજનો ઉમટી પડ્યા હતા.

વધુ વાંચો : ચિતા પર સુઈને ફોટો પડાવ્યો, હત્યારોપીએ રચી પોતાના 'મોતની પટકથા', બકરો સુવડાવીને કર્યાં અંતિમ સંસ્કાર

કાન કાપીને સોનાનાં 2 બૂટિયા અને સોનાની 3 કડી લૂંટી

હત્યારાએ ધારદાર હથિયારથી વૃદ્ધાનું ગળું કાપી નાખ્યું હતું અને બંને કાન કાપીને સોનાનાં 2 બૂટિયા અને સોનાની 3 કડીની લૂટ કરીને હત્યારાઓ ફરાર થયા હતા. પરિવારજનો વાડીએ હોવાથી વૃદ્વા ઘરે એકલા હતા. નવા બંદર પોલીસ ઘટના સ્થળે પહોંચી તપાસ હાથ ધરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ