વિવાદ / 'બાપ પણ જશે'વાળા ખડગેના નિવેદન પર ફરીયાદ દાખલ, આજે દેશભરમાં ભાજપનું પ્રદર્શન

કોંગ્રેસ અધ્યક્ષ મલ્લિકાર્જુન ખડગેના વડા પ્રધાન નરેન્દ્ર મોદીના પિતા વિશેના નિવેદનથી વિવાદ થયો છે. આ નિવેદન બદલ ખડગે સામે ફરિયાદ દાખલ કરવામાં આવી છે. ભાજપે સોમવારે ખડગે વિરુદ્ધ બે રાષ્ટ્રવ્યાપી વિરોધ પ્રદર્શનની પણ જાહેરાત કરી છે. દરમિયાન, કોંગ્રેસના ઘણા નેતાઓ આ બાબતે સ્પષ્ટતા આપીને ખડગેનો બચાવ કરી રહ્યા છે.

પટણામાં ફરીયાદ દાખલ

ભાજપ રાજ્ય કાર્યકારી સમિતિના સભ્ય કૃષ્ણ સિંહ કલ્લુએ પટનાના કોતવાલી પોલીસ સ્ટેશનમાં મલ્લિકાર્જુન ખડગે વિરુદ્ધ લેખિત ફરિયાદ નોંધાવી છે . ફરિયાદમાં આરોપ મૂકવામાં આવ્યો છે કે કોંગ્રેસના રાષ્ટ્રીય અધ્યક્ષે એક જાહેર કાર્યક્રમ દરમિયાન દેશના વડા પ્રધાન અને તેમના પિતા વિરુદ્ધ અપશબ્દો અને અભદ્ર ભાષાનો ઉપયોગ કર્યો હતો.

ભાજપ ખડગેના પૂતળાનું પણ દહન કરશે

મલ્લિકાર્જુન ખડગે વિરુદ્ધના વિરોધ પ્રદર્શન અંગે ભાજપે એક નિવેદનમાં કહ્યું, 'વડાપ્રધાન નરેન્દ્ર મોદીના સ્વર્ગસ્થ પિતા વિશે પટણામાં કોંગ્રેસના રાષ્ટ્રીય અધ્યક્ષ દ્વારા કરવામાં આવેલી અપમાનજનક, અભદ્ર અને વાંધાજનક ટિપ્પણીના વિરોધમાં , ભાજપ સોમવારે દેશના તમામ રાજ્ય મુખ્યાલયો પર જોરદાર વિરોધ પ્રદર્શન કરશે.'

'ભાજપના માણસોએ ખડગે સાથે ગેરવર્તણૂક કરી'

કોંગ્રેસ પાર્ટીએ આ વિવાદનો જવાબ આપ્યો છે અને ભાજપ પર વળતો પ્રહાર કર્યો છે. મીડિયા સાથે વાત કરતા, કોંગ્રેસના સાંસદ પવન ખેરાએ કહ્યું, "આ બીજી વખત છે જ્યારે RSS અને ભાજપના સભ્યોએ ખડગે સાથે દુર્વ્યવહાર કર્યો છે. અગાઉ, ઉત્તરાખંડમાં, દલિત હોવાના કારણે તેમને કહેવાતા શુદ્ધિકરણ વિધિનો ભોગ બનવું પડ્યું હતું. પવન ખેરાએ કહ્યું કે જ્યારે ખડગે બિહારમાં ભાષણ આપી રહ્યા હતા, ત્યારે એક ભાજપ કાર્યકર્તાએ અસંસ્કારી રીતે બૂમ પાડી, "મોદી ક્યાંય નહીં જાય, ભલે તમારા પિતા આવે." એક વરિષ્ઠ નેતા વિરુદ્ધ આવી અપમાનજનક ભાષાના જવાબમાં, ખડગેએ આરએસએસ અને મોહન ભાગવતનો ઉલ્લેખ કરતા કહ્યું કે મોદી ચોક્કસપણે જશે, અને તેમના વૈચારિક પિતા પણ જશે. ખેરાએ આરોપ લગાવ્યો કે આ બધું મોદી અને શાહના સીધા ઇશારે થઈ રહ્યું છે, અને દેશ તેમને ક્યારેય માફ કરશે નહીં.

વધુ વાંચો : આજે 13 રાજ્યોમાં પડશે વરસાદ, 90 કિમીની ઝડપે ફૂંકાશે પવન, ગુજરાતમાં કેવું રહેશે હવામાન?

ભૂપેશ બઘેલે કહ્યું- 'આમાં અપમાનજનક શું છે?'

કોંગ્રેસના નેતા ભૂપેશ બઘેલે ખડગેનો બચાવ કરતા કહ્યું, "આમાં આટલું અપમાનજનક શું છે? ભાષણ આપતી વખતે કોઈ બૂમો પાડી રહ્યું હતું. આ ફક્ત બોલવાની એક રીત છે. એવું કહેવું અપમાનજનક નથી કે તેમના ભગવાન કે તેમના પિતા પણ જશે.

ચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ