ન્યૂઝ અપડેટ્સ
ન્યૂઝ અપડેટ્સ
7 ફોટો ગેલેરી
Last Updated: 02:10 PM, 26 October 2026
FOLLOW ON
શેર કરો
1/7
UPI પેમેન્ટ કરનારા લોકો માટે Paytm અને AU સ્મોલ ફાઇનાન્સ બેંકે નવું ક્રેડિટ કાર્ડ રજૂ કર્યુ છે. આ કાર્ડ માટે કોઈ જૉઇનિંગ ફી કે વાર્ષિક ચાર્જ ચૂકવવાનો નથી.રોજિંદા ખર્ચથી લઈને ટ્રાવેલ બુકિંગ સુધીના પેમેન્ટ પર રિવોર્ડ મેળવવાની તક મળશે. એટલું જ નહીં પરિવાર સાથે એરપોર્ટ લાઉન્જમાં ફ્રી એન્ટ્રીનો લાભ પણ મળી શકે છે.તો જાણો આ કાર્ડમાં કયા ફાયદા મળશે અને ઘરે બેઠા મોબાઇલથી કેવી રીતે અરજી કરી શકશો.
આ તસવીર શેર કરો
2/7
Paytm અને AU સ્મોલ ફાઇનાન્સ બેંકે ‘Paytm AU SFB Credit Card’ નામથી નવું RuPay ક્રેડિટ કાર્ડ રજૂ કર્યું છે. આ કાર્ડની ખાસિયત એ છે કે તેના માટે કોઈ જૉઇનિંગ ફી કે વાર્ષિક ફી લેવામાં આવતી નથી. એટલે કાર્ડ લાઇફટાઇમ ફ્રી છે. જોકે કાર્ડનો ઉપયોગ કરતી વખતે લાગુ પડતા અન્ય ચાર્જ અને નિયમો જાણવા જરૂરી છે.આ કાર્ડ ખાસ કરીને એવા લોકો માટે ઉપયોગી બની શકે છે જેઓ રોજિંદા ખરીદી, બિલ પેમેન્ટ અને અન્ય ખર્ચ માટે UPIનો ઉપયોગ કરે છે. કાર્ડ માટે અરજી કરતાં પહેલાં પાત્રતા, રિવોર્ડની શરતો અને અન્ય નિયમો તપાસવા જોઈએ.
આ તસવીર શેર કરો
ADVERTISEMENT
3/7
આ કાર્ડ દ્વારા Paytm UPI મારફતે પાત્ર ખર્ચ કરવા પર 2 ટકા સુધી રિવોર્ડ મળી શકે છે. તેમાં કરિયાણાની ખરીદી અને કેબના ભાડા જેવા ખર્ચનો સમાવેશ થઈ શકે છે. આ ઉપરાંત Paytm Travel મારફતે ટિકિટ બુકિંગ અથવા Paytmથી ડિજિટલ ગોલ્ડ ખરીદવા પર 5 ટકા રિવોર્ડનો લાભ આપવામાં આવે છે.જોકે દરેક પ્રકારના ટ્રાન્ઝેક્શન પર રિવોર્ડ મળશે જ એવું નથી. કયા ખર્ચને પાત્ર ગણવામાં આવે છે અને રિવોર્ડ મેળવવાની મહત્તમ મર્યાદા કેટલી છે તે કાર્ડની શરતો પ્રમાણે નક્કી થાય છે. તેથી કાર્ડ લેતાં પહેલાં આ વિગતો તપાસવી જરૂરી છે.
આ તસવીર શેર કરો
4/7
આ ક્રેડિટ કાર્ડની બીજી ખાસિયત પરિવાર સાથે મુસાફરી કરતા લોકો માટે છે. પાત્રતા ધરાવતી રાઉન્ડ-ટ્રિપ ફ્લાઇટ ટિકિટ Paytm Travel પરથી બુક કરાવવા પર પરિવારના ચાર સભ્યોને એકસાથે એરપોર્ટ લાઉન્જમાં ફ્રી એન્ટ્રીનો લાભ મળી શકે છે. આ સુવિધા હેઠળ વર્ષમાં 12 વખત સુધી ફ્રી ફેમિલી લાઉન્જ વિઝિટનો લાભ મળે છે.લાઉન્જમાં પ્રવેશ માટે કાર્ડ બતાવવાની જગ્યાએ QR કોડ સ્કેન કરીને એન્ટ્રી કરવાની સુવિધા આપવામાં આવી છે. જોકે આ લાભ માટે ફ્લાઇટ બુકિંગ અને લાઉન્જ એક્સેસ સંબંધિત નિયમો લાગુ પડે છે. એટલે ટિકિટ બુક કરાવતાં પહેલાં કઈ ફ્લાઇટ અને કયા સભ્યો માટે આ સુવિધા માન્ય છે તે તપાસી લેવું.
આ તસવીર શેર કરો
ADVERTISEMENT
5/7
ઘણા ક્રેડિટ કાર્ડમાં રિવોર્ડ પોઇન્ટ્સનો ઉપયોગ કરવા માટે અલગ પ્રક્રિયા હોય છે. પરંતુ આ કાર્ડમાં મળેલા રિવોર્ડ પોઇન્ટ્સનો ઉપયોગ Paytm Gold ખરીદવા માટે કરી શકાય છે. ડિજિટલ ગોલ્ડ માટે એક રિવોર્ડ પોઇન્ટની કિંમત ₹1 રાખવામાં આવી છે.જો તમે ગોલ્ડ ખરીદવા ન ઇચ્છતા હો તો રિવોર્ડ પોઇન્ટ્સનો ઉપયોગ શોપિંગ વાઉચર, મોબાઇલ રિચાર્જ અને વીજળી-પાણીનાં બિલની ચુકવણી જેવા વિકલ્પો માટે પણ કરી શકો છો. જોકે ડિજિટલ ગોલ્ડ સિવાયના વિકલ્પોમાં એક રિવોર્ડ પોઇન્ટની કિંમત અલગ હોઈ શકે છે. તેથી પોઇન્ટ્સ રિડીમ કરતાં પહેલાં લાગુ પડતા નિયમો અને વાસ્તવિક કિંમત તપાસવી.
આ તસવીર શેર કરો
6/7
આ કાર્ડ માટે અરજી કરવા માટે બેંકની શાખામાં જવાની જરૂર નથી. તમે Paytm એપ દ્વારા મોબાઇલથી જ અરજી કરી શકો છો. તેના માટે સૌથી પહેલાં Paytm એપ ખોલો અને સર્ચ બોક્સમાં ‘Credit Card’ લખો. ત્યારબાદ ‘Get Credit Card’ વિકલ્પ પસંદ કરો.હવે ઉપલબ્ધ કાર્ડની યાદીમાં ‘Paytm AU SFB Credit Card’ પસંદ કરીને ‘Apply Now’ પર ક્લિક કરો. ત્યારબાદ જરૂરી વ્યક્તિગત અને નાણાકીય વિગતો ભરો. અંતમાં KYC અને વેરિફિકેશનની પ્રક્રિયા પૂરી કરીને ફોર્મ સબમિટ કરો. અરજી કર્યા પછી એપમાં જ સ્ટેટસ ચેક કરી શકશો. જોકે કાર્ડ મંજૂર કરવું કે નહીં તેનો અંતિમ નિર્ણય બેંક લેશે અને અરજી માટે પાત્રતાના નિયમો લાગુ પડશે.
આ તસવીર શેર કરો
ADVERTISEMENT
7/7
બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
