પસંદ / અમદાવાદીઓની જીભે ચઢી સુરતી ઘારી, માવા-કેસરથી કુનાફા-બ્લૂબેરીમાં બદલાયો સ્વાદનો ટ્રેન્ડ

આજે ચંદની પડવના દિવસે શહેરના મીઠાઈપ્રેમીઓમાં સુરતી ઘારીની ખરીદી શરૂ થઈ છે. એક તરફ શુદ્ધ ઘીથી બનેલી માવા, કેસર અને બદામ-પિસ્તાની પરંપરાગત ઘારીની માગ છે, તો બીજી તરફ નવી પેઢી કુનાફા, બ્લૂબેરી, સ્વિસ ચોકલેટ અને સ્ટ્રોબેરી જેવા ફ્યુઝન ફ્લેવર્સમાં રસ દાખવી રહી છે. તહેવારની મીઠાશ વચ્ચે મોંઘવારીનો સ્વાદ પણ અનુભવાઈ રહ્યો છે. કાચા માલના ભાવ વધતાં ઘારીના ભાવમાં કિલોએ આશરે રૂ.૧૦૦નો વધારો થયો છે.

મોંઘવારીની અસર મીઠાઈના બજેટ પર

ડ્રાયફ્રૂટ્સ, માવો અને ખાંડ જેવા કાચા માલના ભાવમાં વધારાને કારણે ઘારીના ભાવમાં પણ વધારો થયો છે. સામાન્ય માવા ઘારીનો ભાવ કિલોદીઠ આશરે રૂ.૯૦૦, જ્યારે કેસર, બદામ-પિસ્તા અને અંજીર-અખરોટ જેવી ખાસ ઘારીના ભાવ રૂ.૧,૧૦૦થી રૂ.૧,૨૦૦ સુધી પહોંચ્યા છે. કુનાફા જેવી પ્રીમિયમ વેરાયટી રૂ.૧,૨૦૦ અને કેટલીક વિશેષ ઘારી રૂ.૧,૩૦૦ પ્રતિ કિલો સુધી વેચાય છે.

વધુ વાંચો : આકરી ગરમી વચ્ચે પણ અમદાવાદનો જળવિસ્તાર વધ્યોઃ ૧૨ વર્ષના અભ્યાસમાં ચોંકાવનારો ખુલાસો

તહેવારની મીઠાશમાં પરંપરા અને નવો ટ્રેન્ડ

ઘારી માત્ર મીઠાઈ નથી, પરંતુ ચંદની પડવા સાથે જોડાયેલી ગુજરાતી ખાણીપીણીની પરંપરાનું પ્રતીક છે. હવે આ પરંપરામાં નવી પેઢીના સ્વાદનો ઉમેરો થઈ રહ્યો છે. અમદાવાદના મીઠાઈપ્રેમી માટે પણ આ બદલાવ રસપ્રદ છે. કોઈને ઘી અને માવાથી ભરપૂર અસલ સ્વાદ ગમે છે, તો કોઈને ચોકલેટ કે બેરીના ફ્લેવર્સ અજમાવવા છે. આમ, પરંપરા અને ટ્રેન્ડનો સંગમ ઘારીને નવી ઓળખ આપી રહ્યો છે.

ચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ