વાયરલ / VIDEO : યુવકોએ ધસમસતા પ્રવાહમાં ઉતારી થાર, પછી થયું ભયાનક

Viral Video: જોશમાં હોશ ખોઈ બેસવું આ કહેવત તમે પણ સાંભળી હશે. હાલ વીડિયો સોશિયલ મીડિયા પર વાયરલ થઇ રહ્યો છે તે આ કહેવતનું ઉત્તમ ઉદાહરણ પૂરું પાડે છે. એક ઘટનામાં કેટલાક છોકરાઓએ મસ્તીમાં થારને નદીમાં ઉતારી અને તે નદીમાં ડૂબી ગઈ.

ઉત્તરાખંડના દેહરાદૂન જિલ્લાના રાયપુર બ્લોકના માલદેવતા વિસ્તારમાં એક ખતરનાક બેદરકારીભરી ઘટના સામે આવી છે. ભારે વરસાદને કારણે સોંગ નદીમાં પૂર આવ્યું હતું અને આ દરમિયાન કેટલાક યુવાનોએ નશાની હાલતમાં પોતાની થાર નદીમાં ઉતારી અને નદીમાં આવેલા ભારે પ્રવાહને કારણે આખી કાર નદીના વહેણમાં ખેંચાઈ ગઈ. આ ઘટના બપોરે બની હોવાનું કહેવાય છે. આ ઘટનાનો વીડિયો સોશિયલ મીડિયા પર પણ વાયરલ થઈ રહ્યો છે.

ઘટનાનો વાયરલ વીડિયો

એવું કહેવામાં આવી રહ્યું છે કે કેટલાક યુવાનો પિકનિક માણવાના ઇરાદાથી માલદેવતા પહોંચ્યા હતા. દેહરાદૂનથી લગભગ 12 કિમી દૂર માલદેવતા એક લોકપ્રિય પર્યટન સ્થળ છે. જે સોંગ નદીના કિનારે સ્થિત તેના કુદરતી સૌંદર્ય અને હરિયાળી માટે જાણીતું છે. તાજેતરના દિવસોમાં પડેલા વરસાદને કારણે સોંગ નદીના પાણીનું સ્તર ઘણું વધી ગયું હતું. આમ છતાં નશામાં ધૂત યુવાનોએ સ્ટંટ અને સાહસના શોખીનમાં પોતાનું થાર વાહન નદીની વચ્ચે લઈ ગયા. આ ઘટનાનો ચોંકાવનારો વાયરલ વીડિયો જુઓ.

વધુ વાંચો: VIDEO: ગુજરાતીઓએ લોકોનું દિલ જીતું લીધું! ભાષા વિવાદ વચ્ચે વીડિયો વાયરલ

મોટી દુર્ઘટના ટળી ગઈ

આ વિડીયો સોશિયલ મીડિયા એકાઉન્ટ X પર @danishrmr નામના આઈડી પરથી શેર કરવામાં આવ્યું છે. નદીનો જોરદાર પ્રવાહ વાહનને ખેંચી ગયું અને થોડી જ વારમાં થાર નદી પર બોટની જેમ વહેવા લાગી. વાયરલ વીડિયોમાં જોઈ શકાય છે કે નદીની વચ્ચે ફસાઈ ગયા બાદ કાર ઝડપથી પ્રવાહમાં તણાઈ ગઈ. સદનસીબે કારમાં સવાર તમામ યુવાનો સમયસર બહાર નીકળી ગયા. જેના કારણે મોટી દુર્ઘટના ટળી ગઈ. જો બધા લોકો સમયસર કારમાંથી બહાર નીકળી શક્યા ન હોત તો આ ઘટના મોટી દુર્ઘટનામાં ફેરવાઈ શકી હોત.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ