વાયરલ / Video: એસ્કેલેટરની રેલિંગ અને દીવાલ વચ્ચે છોકરાનું માથું એવું ફસાયું, કે વીડિયો જોનારા કંપી ઉઠ્યા

સોશિયલ મીડિયાના આ જમાનામાં એવા એવા વીડિયો રોજ લોકો પોસ્ટ કરે છે અને એમાંથી ઘણા ખાસ ધ્યાન ખેંચે અને વાયરલ થાય છે. ઘણા વીડિયો ખૂબ ડેન્જર્સ હોય છે અને ઘણા એવા કે તમે જોઈને હસી-હસીને બેવડ વળી જાવ. ક્યાંક કોઈ દેસી જુગાડનો વીડિયો હોય તો ક્યાંક જાનવર સાથે કુસ્તી કરતો વીડિયો . અમુક એવા વિડીયો હોય કે જે જોઈને દિવસ સુધરી જાય. ત્યારે આવા અવનવા વીડિયોમાં એક વીડિયો વાયરલ થઈ રહ્યો છે.

હાલ સોશિયલ મીડિયા પર એક વીડિયો વાયરલ થઈ રહ્યો છે. જે ચીનનો હોવાનું સામે આવ્યું છે. ચીનના ચોંગકિંગમાં એક છોકરો એવી હરકત કરી રહ્યો હતો કે તેનું માથું ફસાઈ ગયું અને લોકોએ ઘણા પ્રયાસો કર્યા પછી તેને બહાર કાઢી શકાયું.

એસ્કેલેટરમાં ભરાયું માથું

સોશિયલ મીડિયા પર એક વીડિયો વાયરલ થઈ રહ્યો છે તે 16 જુલાઈનો છે. ચીનના ચોંગકિંગમાં એક મોલમાં એક છોકરો શું હરકત કરી રહ્યો હતો તે ખબર નથી પણ તેનું માથું એસ્કેલેટર અને બાજુની દિવાલ વચ્ચે ફસાઈ ગયું હતું. આ જોતા જ એસ્કેલેટર પર પસાર થઇ રહેલા લોકો અને તેના મિત્રોએ ઘણી જહેમત કરીને તેનું માથું બહાર કાઢ્યું હતું. આ ઘટનાનો વીડિયો મોલમાં આવેલા એક વ્યક્તિએ લીધો હતો. આ વીડિયો livingchina નામના ઈન્સ્ટાગ્રામ પેજ પર પોસ્ટ કરવામાં આવ્યો છે.

વીડિયોમાં જોઈ શકાય છે કે એક ગ્રીન કલરની ટીશર્ટ પહેરેલો એક છોકરાનું માથું એસ્કેલેટરની રેલિંગ અને દીવાલ વચ્ચે ફસાઈ ગયું છે અને લોકો તેને બહાર કાઢવાની કોશિશ કરી રહ્યા છે. જો કે સદનસીબે તેને વધુ ઈજા થિયા હોય તેવું વીડિયોમાં સામે આવ્યું નથી. અને આ ઘટના બાદ તેને ચેકઅપ માટે હોસ્પિટલ પણ લઇ જવાયો હતો.

આ ઘટના સમયે ત્યાં હાજર લોકોમાંથી કોઈએ એસ્કેલેટરને તાત્કાલિક બંધ કર્યું અને તે છોકરાને ગંભીર ઈજા થતા બચાવ્યો હતો. આ ઘટના @livingchina એ તેને ઇન્સ્ટાગ્રામ પર પોસ્ટ કરી. વીડિયોના કેપ્શનમાં લખ્યું છે, "The explorer's childhood. hope he will be smarter in the future.."

View this post on Instagram

A post shared by Sharing Travel (@livingchina)

આ વીડિયો ઘણા લોકોએ જોયો છે અને તેના પર ફની કમેન્ટ કરી છે. એક યુઝરે લખ્યું છે કે " સૌથી પહેલી વાત તો એ છે કે તે વ્યક્તિ ત્યાં પહોચ્યો કેવી રીતે?", બીજા એક યુઝરે કહ્યું કે "ત્યાં ચેતવણીની સૈન હોવા છતાં પણ તેણે આ કર્યું?" આ સિવાય પણ અન્ય યુઝર્સે ફની મીમ્સ પોસ્ટ કરીને રિએકટ કર્યું છે.

વધુ વાંચો: સાધુનો ચાળો ન કરાય, પતલા બાપુ એકલા હાથે 10 પર ભારે પડ્યાં

જો કે આવા અવનવા વીડિયો વાયરલ થતા રહેતા હોય છે થોડા દિવસો પહેલા સોશિયલ મીડિયા પર બીજો એક ફની વીડિયો વાયરલ થયો હતો જેમાં એક વ્યક્તિ દારૂની બોટલ ઉપાડવા જતા દુકાનની લોખંડની ગ્રીલમાં ફસાઈ ગયો હતો. દુકાનમાં હાજર અન્ય ગ્રાહકોના ઘણા પ્રયાસો પછી માંડ તેને બહાર કાઢી શકાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ