- મેજર જનરલ રંજન મહાજને થઈ રહ્યાં છે રિટાયર્ડ
- રિટાયરમેન્ટ પહેલા માતા પાસે પહોંચ્યાં
- પુત્રની સલામી ઝીલતા માતા થયા ભાવુક
માને મને દિકરો ગમે તેટલો મોટો થાય તો પણ બાળક જ રહેતો હોય છે. માતાની મમતા જ એવી હોય છે, જેણે પેટે પથરા મૂકીને પેદા કરીને ભણાવી ગણાવીને નોકરી લેવડાવી હોય તે માતાને કોણ ભૂલી શકે. માતા અને પુત્રના પ્રેમનો આવો એક વીડિયો સોશિયલ મીડિયા પર વાયરલ થયો છે.
આર્મી ઓફિસરે નિવૃતી પહેલા માતાના ઘેર પહોંચ્યાં, આર્મી સ્ટાઈલમાં આપી સલામી
મેજર જનરલ રંજન મહાજને બે દિવસમાં આર્મીમાંથી નિવૃત થઈ રહ્યાં છે પરંતુ નિવૃતી પહેલા તેઓ હરિયાણાના અંબાલાથી દિલ્હીમાં રહેતા તેમના માતાને મળવા ઘેર પહોંચ્યાં હતા અને ત્યાં તેમણે આર્મી સ્ટાઈલમાં માતાને સલામી આપી. આ જોઈને માતા પણ ભાવવિભોર બનીને મેજર જનરલ રંજન મહાજને નાના છોકરાની જેમ બાથમાં લઈને ચુમ્મીઓ કરવા લાગ્યા હતા.મેજર જનરલ રંજન ત્યાર બાદ પરિવારના બીજા સભ્યોને મળ્યાં હતા. ઘરના સભ્યો પણ આ જોઈને ખૂબ ખુશ હતા. થોડી વાર પુરતું તો ઘરમાં એક અદ્દભૂત દ્રશ્ય સર્જાયું હતું.
માતાએ મને દેશસેવા કરવા લાયક બનાવ્યો-મેજર જનરલ
મેજર જનરલ રંજને કેપ્શનમાં લખ્યું છે કે યુનિફોર્મ લટકાવતા પહેલા યુનિફોર્મમાં માતાને અંતિમ સલામ. હું માતાને સરપ્રાઈઝ આપવા માટે છેક અંબાલાથી દિલ્હી આવ્યો હતો. મારી માતાએ મને જન્મ આપ્યો છે અને મને લાયક બનાવ્યો છે કે મેં ગણવેશ પહેરીને 35 વર્ષ સુધી મારી માતૃભૂમિની સેવા કરી. "તેમણે મને ભારતીય સૈન્યમાં સેવા આપવા માટે પૂરતો સક્ષમ બનાવ્યો.
