..તો મફતની જાહેરાત કેમ કરી / VIDEO: કર્ણાટકમાં ટિકિટના પૈસા નથી આપી રહી મહિલાઓ... કંડક્ટરને કહ્યું કોંગ્રેસે એલાન કર્યું છે તો...

• કર્ણાટકની મહિલાની બસ કંડક્ટર સાથે મફત બસમાં સવારી કરવા બાબતે દલીલ 
• કોંગ્રેસે ચૂંટણી પહેલા મહિલાઓ માટે મફત બસ મુસાફરીનું વચન આપ્યું હતું
• મહિલાએ કહ્યું કે જ્યારે પૈસા આપવાના હતા તો મફતની જાહેરાત કેમ કરવામાં આવી

કર્ણાટકમાં કોંગ્રેસની નવી સરકાર બની છે. સિદ્ધારમૈયાએ સીએમ અને ડીકે શિવકુમારે ડેપ્યુટી સીએમ તરીકે શપથ લીધા છે. કેબિનેટની પ્રથમ બેઠક પણ થઈ છે. આ દરમિયાન કર્ણાટકનો એક વીડિયો સોશિયલ મીડિયા પર સામે આવ્યો છે. જેમાં એક મહિલા બસ કંડક્ટરને કન્નડ ભાષામાં કંઈક કહી રહી છે, જેના પર લોકો હસી રહ્યા છે. સોશિયલ મીડિયા યુઝર્સનો દાવો છે કે મહિલા બસ કંડક્ટર સાથે કન્નડ ભાષામાં દલીલ કરી રહી છે કે તે ટિકિટ નહીં ખરીદે. મહિલા કહી રહી છે કે, અમારે પૈસા આપવાના હોય તો મફતની જાહેરાત કેમ કરી, શું તે પાગલ છે?

Women strongly argues with bus conductor in Karnataka, says she will not buy ticket.
"If we have to pay money, why did they announce its free, are they mad".pic.twitter.com/WyLhF4XRuj

— Dr Aishwarya S 🇮🇳 (@Aish17aer) May 23, 2023

કોંગ્રેસે મહિલાઓને મફત બસ મુસાફરીનું વચન આપ્યું હતું

જ્યારે મહિલા આ કહે છે ત્યારે બસમાં હાજર અન્ય મુસાફરો હસી પડે છે. 17 સેકન્ડનો આ વીડિયો ઘણી વખત જોવામાં આવ્યો છે. કર્ણાટક ચૂંટણી પહેલા કોંગ્રેસે તેના ઢંઢેરામાં કહ્યું હતું કે જો રાજ્યમાં કોંગ્રેસની સરકાર આવશે તો સમગ્ર રાજ્યમાં મહિલાઓનું ભાડું મફત હશે. તેમને તેમની મુસાફરી માટે પૈસા ખર્ચવાની જરૂર રહેશે નહીં. ત્યારે એક મહિલાએ ટિકિટના પૈસા આપવા બાબતે કંડક્ટર સાથે દલિલ કરતી જોવા મળી હતી.