- પંજાબના અમૃતસરમાં વાઘા-અટારી બોર્ડરનો વીડિયો આવ્યો સામે
- 10 મીટરથી પણ ઓછી વિઝિબિલીટીમાં જવાનો કરી રહ્યાં છે પેટ્રોલિંગ
- કડકડતી ઠંડીમાં પણ તેમનું મનોબળ અડગ
ભારતના બહાદુર જવાનોને શિયાળ પણ ડગાવી શકતો નથી ગમે તેવી સિઝનમાં ચોવીસ કલાક સરહદે પહેરો ભરતા હોય છે અને આપણને દુશ્મનોથી બચાવે છે. શિયાળમાં જ્યારે કડકડતી ઠંડી અને નજીકનું દેખાતું પણ ન હોય તેવી સ્થિતિમાં જવાનો ખડપગે રહીને બોર્ડરની રખેવાળી કરી રહ્યાં છે.
ધુમ્મસમાં બોર્ડરની રખેવાળી કરતા જવાનોનો વીડિયો
ધુમ્મસ વચ્ચે બીએસએફના જવાનો પાકિસ્તાની આતંકીઓથી દેશને બચાવવા માટે તૈયાર છે. બોર્ડર પર ધુમ્મસના કારણે 10 મીટરથી ઓછી વિઝિબિલિટી છે. આમ છતાં આ સૈનિકો બોર્ડરની રક્ષા કરવામાં કોઈ કસર છોડતા નથી. ધુમ્મસનો ફાયદો ઉઠાવીને જ્યારે પણ પાકિસ્તાની આતંકીઓ ઘુસણખોરીનો પ્રયાસ કરે છે ત્યારે ભારતીય જવાનો તેમને ઠાર કરે છે અથવા જડબાતોડ જવાબ આપીને તેમને ભગાડી મૂકે છે.
અટારી-વાઘા બોર્ડર પર 10 મીટરથી પણ ઓછી વિઝિબિલીટી
પંજાબના અમૃતસરમાં અટારી-વાઘા બોર્ડર પર પણ વિઝિબિલિટી ઘટી છે. બીએસએફના જવાનોએ અહીં પેટ્રોલિંગ વધારી દીધું છે. બીએસએફના ઇન્સ્પેક્ટર મુકેશ ગુપ્તાએ જણાવ્યું હતું કે, હવામાન અમારા માટે કોઈ કારણ નથી. અમે પેટ્રોલિંગ ચાલુ રાખીએ છીએ. ઘૂસણખોરી અને દાણચોરીના દુશ્મનના ઈરાદા અંગે ખૂબ એલર્ટ છીએ. હાલ બોર્ડર પર વિઝિબિલિટી ઘટીને 10 મીટરથી પણ ઓછી થઈ ગઈ છે. પરંતુ આપણે આપણા દેશ અને નાગરિકોની રક્ષા કરીએ છીએ.
