આરોપ / ભ્રષ્ટાચાર...ભ્રષ્ટાચાર..ભ્રષ્ટાચાર..દર વર્ષે વિદ્યાર્થીઓની સંખ્યા ઘટી પણ ખર્ચ બમણો, ગુજરાતના શિક્ષણ સમિતિમાં હડકંપ

• વડોદરામાં જિલ્લા શિક્ષણ સમિતિમાં ભ્રષ્ટાચારના આરોપ
• જિલ્લા પંચાયતના સભ્યએ ઉઠાવ્યા સવાલ
• પ્રાથમિક શાળાની પરીક્ષા પાછળના ખર્ચમાં ગોલમાલ

vadodara news: વડોદરા જિલ્લા શિક્ષણ સમિતિમાં ભ્રષ્ટાચાર થયાની બૂમ ઉઠી છે. પ્રાથમિક શાળામાં લેવાયેલી પરીક્ષાની ઉત્તરવહી, પ્રશ્નપત્ર કે અન્ય ખર્ચમાં ભ્રષ્ટાચાર થયાનો આરોપ લાગ્યો છે. જિલ્લા પંચાયતના સભ્ય અને કોંગ્રેસ નેતા અર્જુનસિંહ પઢિયારે ખર્ચને લઈ સવાલો ઉઠાવ્યા છે. જિલ્લા પંચાયતના શિક્ષણ વિભાગની માહિતીમાં સમગ્ર મામલે ખુલાસો થયો છે. 

વિદ્યાર્થીઓની સંખ્યા ઘટવા છતાં ખર્ચમાં કોઈ ઘટાડો નહીં
જેમાં દર વર્ષે વિદ્યાર્થીઓની સંખ્યા ઘટવા છતાં ખર્ચમાં કોઈ ઘટાડો તો નહીં પરંતું ધરખમ વધારો થયો છે. વર્ષ 2019-20માં 7 લાખના ખર્ચ સામે વર્ષ 2023-24માં ખર્ચની રકમ 69 લાખ સુધી પહોંચતા સવાલો ઉઠ્યા છે. તેમણે કહ્યું કે, મેં શિક્ષણ વિભાગને પ્રશ્ન પૂછ્યો હતો કે, છેલ્લા પાંચ વર્ષમાં ઉત્તરવહીની કામગીરી પાછળ કેટલા રૂપિયા ખર્ચવામાં આવ્યા તેમજ કેટલા વિદ્યાર્થીઓ પરીક્ષા આપી છે. 

વાંચવા જેવું:  બે અક્ષર ચિતર્યા અને ખાતામાંથી 5.71 કરોડ કર્યા છૂમંતર! UKમાં રહેતા ફઈ સાથે જામનગરના બે ભત્રીજાએ કરી ફિલ્મી ઠગાઈ, પણ કેવી રીતે?

ચાર વર્ષમાં ખર્ચની રકમમાં ધરખમ વધારો
તેમણે કહ્યું કે, જે સવાલના જવાબમાં જણાવ્યું છે કે, વર્ષ 2021-22માં આ કામગીરીમાં ખર્ચ 25 લાખ અને 30 હજાર રૂપિયા થયો છે. જ્યારે ગઈકાલમાં એજ કામનો ખર્ચ થાય છે 68 લાખ જ્યારે ચાલુ વર્ષ એજ કામનો ખર્ચો 69 લાખ રૂપિયા થાય છે.  વધુમાં કહ્યું કે, જે કામગીરી પાછળ 25 લાખ ખર્ચો થતો હતો તે જ કામ પાછળ 68 લાખનો ખર્ચો દર્શાવ્યો છે, એટલે કે, 43 લાખ જેટલી માતબર રકમનો ખર્ચ વધારાનો થયો છે. આક્ષેપો સાથે કહ્યું કે, જિલ્લા પંચાયતના ઈતિહાસમાં સૌ પ્રથમવાર આવો બનાવ બન્યો છે, 25 લાખની કામગીરી 68 લાખ રૂપિયામાં પહોંચાડી દીધી હોય.