- નોઈડાની એક દવા કંપની પર આરોપ
- સિરપ પીવાથી ઉઝબેકિસ્તાનનાં બાળકોનું મોતનો આરોપ
- કંપનીનાં 3 અધિકારીઓની કરવામાં આવી ધરપકડ
ઉઝબેકિસ્તાનમાં કફ સિરપથી થયેલી મોતનાં કથિત મામલામાં નોઈડા સ્થિત દવા કંપનીનાં 3 અધિકારીઓની પોલીસે ધરપકડ કરી છે. ડિસેમ્બરનાં મહિનામાં દાવો કરવામાં આવ્યો હતો કે ભારતીય કફ સિરપથી તે દેશનાં 18 બાળકોનું મોત થયું છે.
3 લોકોની ધરપકડ
આ ત્રણની ધરપકડ 2 માર્ચનાં રોજ થયેલી FIR બાદ થઈ હતી. ભારતનાં સેન્ટ્રલ ડ્રગ સેન્ટ્રલ કંટ્રોલ ઓર્ગેનાઈઝેશનનાં ડ્રગ ઈન્સ્પેક્ટરે આ ફરિયાદ કરી હતી. તેમાં ભારતીય કંપની મેરિયન બાયોટેકનાં 2 ડાયરેક્ટર સહિત 5 લોકોનાં નામ શામેલ હતાં.
કંપનીનું દવા ઉત્પાદન લાયસેંસ સસ્પેન્ડ
ઉઝબેકિસ્તાનમાં કથિત ધોરણે 18 બાળકોનું મોત થયા બાદ ઉત્તરપ્રદેશ ખાદ્ય સુરક્ષા તેમજ ઔષધિ પ્રશાસન વિભાગે સેક્ટર 67 સ્થિત દવા ફર્મ મેરિયન બાયોટેક પ્રાઈવેટ લિમિટેડનું દવા ઉત્પાદન કરવાનું લાયસેન્સ સસ્પેન્ડ કરી દીધું છે. દવા રેકોર્ડ મેંટેનેંસ સિવાય રૉ મેટેરિયલ ખરીદીની જાણકારી સમયસર ન આપવાને લીધે કંપનીનું દવા ઉત્પાદન લાયસેંસ સસ્પેન્ડ કરી દીધું છે.
પોલીસે શું કહ્યું ?
પોલીસ આયુક્ત કાર્યાલયે જણાવ્યું કે ગાઝિયાબાદનાં ડ્રગ ઈંસ્પેક્ટર આશીષે પોલીસ સ્ટેશન ફેસ-3માં ગઈકાલે રિપોર્ટ લખવામાં આવી. તેમણે આરોપ લગાવ્યો હતો કે સેક્ટર 67 સ્થિત દવા બનાવવાની કંપનીમાં બનેલી સિરપ માનકો દ્વારા રિજેક્ટ કરવામાં આવી હતી. કાર્યાલયે જણાવ્યું કે આ મામલામાં કંપનીની ડાયરેક્ટર જયા જૈન, સચિન જૈન, ઑપરેશન હેડ તુહીન ભટ્ટાચાર્ય, મેન્યુફેક્ચરિંગ કેમિસ્ટ અતુલ રાવલ અને મૂલસિંહ વગેરે સામે કલમ 274, 275, 276, ઔષધિ પ્રસાધન સામગ્રી અધિનિયમ 17,17A,17B ની અંતર્ગત કેસ નોંધાયો છે.
