કામની વાત / કેન્દ્ર સરકાર પછી હવે રેલવે સારા સમાચાર આપશે, લોકોને મફતમાં મળશે આ સુવિધા

Indian Railway: ભારતીય રેલવે પર ટિકિટ માટેનો ધસારો કંઈ નવો નથી. આ ઉતાવળમાં ખોટી તારીખ માટે ટિકિટ બુક થઇ જતી હોય છે. એક તો માંડ માંડ ટિકિટ મળવી અને ઉપરથી ખોટી તારીખની બુક કરી દીધી હોય છે. જો તમારી સાથે આવું બન્યું હોય તો ચિંતા કરવાની જરૂર નથી. મીડિયા રિપોર્ટ્સ અનુસાર ભારતીય રેલવે ટૂંક સમયમાં તેના મુસાફરોને એક નવી સુવિધા આપવા જઇ રહી છે. આ સુવિધા મુસાફરોને કોઈપણ નાણાકીય નુકસાન વિના તેમની કન્ફર્મ ટિકિટ પર તારીખ બદલવાની મંજૂરી આપશે.

રેલવે ટૂંક સમયમાં કેટલાક આપશે ખૂશખબરી

કહેવાય છે કે ભારતીય રેલવે મુસાફરોની સુવિધા માટે ટૂંક સમયમાં એક મોટો ફેરફાર કરવાની તૈયારી કરી રહી છે. આ ફેરફાર મુસાફરો માટે રાહતનો રહેશે, કારણ કે તેમને તેમની કન્ફર્મ ટિકિટ પર તારીખ બદલવાનો વિકલ્પ આપવામાં આવશે, અને મહત્વનું છે કે, આમ કરવા માટે કોઈ પૈસા કાપવામાં આવશે નહીં. સરળ શબ્દોમાં કહીએ તો જો તમારી પાસે 28 નવેમ્બરે દિલ્હીથી જયપુરની કન્ફર્મ ટિકિટ હોય, અને કોઈ કારણોસર તમારો પ્લાન પાંચ દિવસ પછી બદલાઈ જાય, તો તમારે 3 ડિસેમ્બરે નવી ટિકિટ ખરીદવાની જરૂર રહેશે નહીં.

તમે તમારી 28 નવેમ્બરની ટિકિટમાં ફેરફાર કરી શકો છો અને તે જ ટિકિટનો ઉપયોગ કરીને 3 ડિસેમ્બરે જયપુરની મુસાફરી કરી શકશો.

આ પણ વાંચોઃ તમારા કામનું / દિવાળી પહેલા કેન્દ્ર સરકારનો મોટો નિર્ણય, કરોડો લોકોને થશે સીધો ફાયદો

અત્યારે આટલો આપવો પડશે કૈસિલેશન ચાર્જ

એક મીડિયાના અહેવાલ મુજબ રેલવે મંત્રીએ પોતે આ બાબતે પોતાનો પક્ષ રાખ્યો છે, જેમાં જણાવ્યું છે કે આ સિસ્ટમ બદલવા માટે જરૂરી સૂચનાઓ જારી કરવામાં આવી છે અને કામ ચાલી રહ્યું છે. એવો દાવો કરવામાં આવે છે કે જાન્યુઆરી 2026 થી ઓનલાઇન ટિકિટ યાત્રામાં કન્ફર્મ ટિકિટની તારીખ બદલાવી શકાશે.

હાલમાં ટિકિટ રદ કરવા માટે ફર્સ્ટ એસી માટે રૂપિયા 240 પ્લસ જીએસટી ચુકવવો પડે છે. વધુમાં એસી 2 ટિયર માટે આ ચાર્જ રૂપિયા 200 છે જેમાં દરેક વર્ગ માટે જીએસટી અલગ અલગ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ