- યુપી શિક્ષક પાત્રતા પરીક્ષાની નવી તારીખ જાહેર
- 23 જાન્યુઆરીએ લેવાશે યુપીટેટની પરીક્ષા
- 28 નવેમ્બરે પેપર લીકને કારણે પરીક્ષા રદ કરી દેવાઈ હતી
28 નવેમ્બરે પેપર લીકને કારણે યુપીટેટની પરીક્ષા રદ કરી દેવાઈ હતી. મુખ્યમંત્રી યોગી આદિત્યનાથે નિષ્પક્ષ તપાસની સાથે એક મહિનાની અંદર ફરી વાર પરીક્ષા આયોજિત કરવાની ખાતરી આપી હતી. સરકારે હવે પરીક્ષાની નવી તારીખ જાહેર કરી દીધી છે.
યુપી ટીટી પરીક્ષા પેટર્ન
બેસિક શિક્ષણ બોર્ડ દ્વારા આયોજિત આ પરીક્ષા દર વર્ષે ઓફલાઈન મોડમાં લેવાય છે. આ પરીક્ષાના માધ્યમથી યુપી રાજ્યની જુદીજુદી સ્કૂલોમાં પ્રાથમિક અને ઉચ્ચ પ્રાથમિક સ્તરે શિક્ષકોની પસંદગી થાય છે.
પરીક્ષામાં સામેલ થશે આ પરીક્ષાર્થીઓ
યુપીટીટી 2021ની પ્રાથમિક સ્તરની પરીક્ષા પ્રથમ પાળીમાં સવારે 10થી 12.30ની વચ્ચે થશે તો બપોરના 2.30થી 5ની પાળીમાં ઉચ્ચ પ્રાથમિક સ્તરની પરીક્ષા થશે. પ્રાથમિક સ્તરની પરીક્ષામાં 1291628 પરીક્ષાર્થી સામેલ થશે જ્યારે ઉચ્ચ પ્રાથમિક સ્તરની પરીક્ષામાં 873553
28 નવેમ્બરે પેપર લીકને કારણે પરીક્ષા રદ કરાઈ હતી
28 નવેમ્બરે પેપર લીકને કારણે યોગી સરકારે આ પરીક્ષાને રદ કરવાની જાહેરાત કરી હતી જે હવે 23 જાન્યુઆરીએ થશે.
નકલ રોકવાની ખાસ વ્યવસ્થા
પરીક્ષામાં ચોરી રોકવા માટે યુપી શાસન દ્વારા ખાસ આદેશ બહાર પડાયા છે. યુપીટીઈટી પ્રશ્રપત્ર અને ઓએમઆર શીટ છાપવા માટે પ્રિન્ટિંગ પ્રેસ નક્કી કરવા તથા સેન્ટરોની ફરી તપાસ કરવામાં સમય લાગી રહ્યો છે. આ પ્રક્રિયા બાદ પરીક્ષાર્થીઓને નવી રીતે પ્રવેશપત્ર જારી કરી દેવામાં આવશે.
