ન્યૂઝ અપડેટ્સ

logo

VTV / લાઈફસ્ટાઈલ / તમારા કામનું / UPI એપ્સ તમારી લોકેશનથી લઈને ડિવાઇસની વિગતો સુધીનો ડેટા કરે છે એકત્રિત, કેવી રીતે ચેક કરશો!

photo-story

7 ફોટો ગેલેરી

કામની વાત / UPI એપ્સ તમારી લોકેશનથી લઈને ડિવાઇસની વિગતો સુધીનો ડેટા કરે છે એકત્રિત, કેવી રીતે ચેક કરશો!

Last Updated: 10:02 AM, 18 November 2026

logo

FOLLOW ON

logo

શેર કરો

logo logo logo

ડિજિટલ પેમેન્ટના આ યુગમાં, UPI એપ્સ આપણા જીવનનો એક જરુરી ભાગ બની ગઈ છે, પરંતુ શું તમે જાણો છો કે આ એપ્સ તમારા ફોનમાંથી કેવા પ્રકારનો ડેટા એકત્રિત કરે છે?

1/7

photoStories-logo

1. ઓનલાઇન પેમેન્ટ અત્યારના સમયમાં જરુરી

આજના ડિજિટલ યુગમાં, ચાની લારીથી લઈને ખરીદી સુધી દરેક જગ્યાએ ચૂકવણી કરવા માટે મોટાભાગના લોકો UPIનો ઉપયોગ કરે છે. ઓનલાઇન પેમેન્ટ એટલું સામાન્ય બની ગયું છે કે શાકભાજી ખરીદવા હોય કે LIC પ્રીમિયમ ભરવું હોય, આપણે પલકવારમાં કામ પૂરું કરી શકીએ છીએ. ઓનલાઇન પેમેન્ટ એપ્સના આગમનને કારણે નાણાકીય કામકાજ સરળ બની ગયા છે અને હવે બેંકમાં જવાની જરૂરિયાત ઘણી ઘટી ગઈ છે. પરંતુ શું તમે ક્યારેય વિચાર્યું છે કે ઓનલાઇન પેમેન્ટ માટે તમે જે એપ્સનો ઉપયોગ કરો છો, તે તમારા ફોનમાંથી કઈ માહિતી એકત્રિત કરે છે? શું તમે ક્યારેય તપાસ્યું છે કે તમારી ઓનલાઇન પેમેન્ટ એપ્સને કઈ પરમિશન આપવામાં આવી છે? જો નહીં, તો આવો આજે આ પ્રશ્નોના જવાબ જાણીએ.

આ તસવીર શેર કરો

logo logo logo

2/7

photoStories-logo

2. બેંક અને ટ્રાંજેક્શન ડિટેલ્સ ઉપરાત શું થાય છે ટ્રેક?

સૌ પ્રથમ, આપણે ડિવાઇસ સંબંધિત માહિતી વિશે વાત કરીએ. મોટાભાગની ઓનલાઇન પેમેન્ટ એપ્લિકેશન્સની પ્રાઇવસી પોલિસી મુજબ, કંપની તમારા સ્માર્ટફોનનું મોડેલ, ડિવાઇસ આઇડેન્ટિફાયર, IP એડ્રેસ, ઇન્ટરનેટ બેન્ડવિડ્થ અને લોકેશન જેવી વિગતો એકત્રિત કરી શકે છે. આ ઉપરાંત, કેટલીક ઓનલાઇન પેમેન્ટ એપ્લિકેશન્સ તમારા ફોનમાં એપના ઉપયોગ દરમિયાન આવતી તકનીકી ખામીઓ અથવા એરર સંબંધિત ડેટા પણ એકત્રિત કરી શકે છે. આ માહિતીનો ઉપયોગ એપની સેવાઓમાં સુધારો કરવા, સુરક્ષા વધારવા અને યૂઝર્સના ખાતાઓનું સંચાલન કરવા માટે કરવામાં આવે છે.

આ તસવીર શેર કરો

logo logo logo

ADVERTISEMENT

3/7

photoStories-logo

3. SMS અને એપ યૂઝર્સ પર રહેશે નજર

આ પેમેન્ટ એપ્સ માટે, SMS માહિતીની પહોંચ પણ અત્યંત મહત્વપૂર્ણ છે. રજીસ્ટ્રેશન દરમિયાન મોબાઈલ નંબરની ચકાસણી, OTP ઓટોફિલ અને સુરક્ષા તપાસ જેવી પ્રક્રિયાઓ માટે સંદેશાઓનો ઉપયોગ થઈ શકે છે. આ ઉપરાંત, આ એપ્સ તમારી સર્ચ હિસ્ટ્રી, ઉપયોગની પદ્ધતિઓ, ક્રેશ રિપોર્ટ્સ અને ડાયગ્નોસ્ટિક માહિતીનો ડેટા પણ એકત્રિત કરી શકે છે. જરૂરી પરવાનગીઓ મળ્યા બાદ, આ એપ્સ પેમેન્ટ અને સુરક્ષા સંબંધિત હેતુઓ માટે SMS સંબંધિત ડેટાનો ઉપયોગ કરી શકે છે.

આ તસવીર શેર કરો

logo logo logo

4/7

photoStories-logo

4. લોકેશન અને કોન્ટેક્ટ્સની જાણકારી

લોકેશન ડેટાનો ઉપયોગ માત્ર નજીકની દુકાનો દર્શાવવા પૂરતો મર્યાદિત નથી. પેમેન્ટ એપ્સ તેનો ઉપયોગ છેતરપિંડી રોકવા, સુરક્ષા જાળવવા અને નિયમનકારી પાલન માટે પણ કરે છે. આ ઉપરાંત, ચોક્કસ સેવાઓ પૂરી પાડવા માટે જેમ કે વિડિયો-આધારિત KYC અથવા કોઈ સેવામાં જોડાવાની પ્રક્રિયા દરમિયાન એપ્લિકેશનો તમારા કેમેરા, માઇક્રોફોન કે લોકેશન જેવી વિગતોનો ઉપયોગ કરવાની પરવાનગી માંગી શકે છે.

આ તસવીર શેર કરો

logo logo logo

ADVERTISEMENT

5/7

photoStories-logo

5. ફ્રોડ પકડવા માટે પણ એકત્રિત કરવામાં આવે છે ડેટા

ડિજિટલ પેમેન્ટમાં સુરક્ષા અત્યંત મહત્વપૂર્ણ છે. તેથી, સંભવિત જોખમોને ઓળખવા માટે એપ્લિકેશન્સ વિવિધ માહિતીનો ઉપયોગ કરી શકે છે, જેમ કે ડિવાઇસની ઓળખ, વ્યવહારનો સમય, ચૂકવણીની રકમ, ચૂકવણી સંબંધિત પ્રવૃત્તિ અને શંકાસ્પદ વર્તણૂક.

આ તસવીર શેર કરો

logo logo logo

6/7

photoStories-logo

6. સિક્યોરિટી અને ફ્રોડ ડિટેક્શન ડેટા

RBI અને NPCIની માર્ગદર્શિકાઓ અનુસાર, છેતરપિંડી રોકવા માટે એપ્લિકેશન્સ દ્વારા મહત્વપૂર્ણ અને કડક પગલાં લેવા જરૂરી છે. આ હેતુ માટે, તેઓ તમારા ટાઈપિંગ વર્તન અને તમારા ઉપકરણના મોશન સેન્સર્સમાંથી મળતી માહિતીનું વિશ્લેષણ કરે છે. આનાથી એ નક્કી કરવામાં મદદ મળે છે કે ફોનનો ઉપયોગ તેના સાચા માલિક દ્વારા કરવામાં આવી રહ્યો છે કે પછી તે કોઈ 'બોટ' દ્વારા નિયંત્રિત થઈ રહ્યો છે.

આ તસવીર શેર કરો

logo logo logo

ADVERTISEMENT

7/7

photoStories-logo

7. આ રીતે ચેક કરો એપની પરમિશન

યૂઝર તેમના ફોનના Settings માં જઈને, Apps વિભાગમાં જઈ શકે છે અને ત્યાં પોતાની પેમેન્ટ એપ્સ માટે 'એપ પરમિશન્સ' સેક્શનને ચેક કરી શકે છે. આના દ્વારા તેઓ જાણી શકશે કે કઈ એપ્સ પાસે કેમેરા, લોકેશન, કોન્ટેક્ટ્સ કે માઇક્રોફોનનો એક્સેસ છે. જો તમને કોઈ ચોક્કસ સુવિધા માટે અમુક પરમિશન બિનજરૂરી લાગતી હોય, તો તમે તેને ડિસેબલ કરી શકો છો. જોકે, ધ્યાન રાખશો કે આમ કરવાથી કેટલીક ફીચર કામ કરતી બંધ થઈ શકે છે.

આ તસવીર શેર કરો

logo logo logo

સંકળાયેલા મુદ્દાઓ

What Phone Permissions Personal Details UPI Apps Data Privacy
background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ