VIDEO / હાથ ન લગાવતા, હાથ ન લગાવતા : મોદીના કેન્દ્રીય મંત્રીની ખાતા ખાતા જ પોલીસે ધરપકડ કરી લીધી

• કેન્દ્રીય મંત્રી નારાયણ રાણેની ધરપકડ 
• જન આર્શીવાદ યાત્રા દરમિયાન ચિપલુનમાંથી કરાઈ હતી અટકાયત
• વાંધાજનક ટિપ્પણી બાદ શિવસેના આક્રમક મૂડમાં 

મહારાષ્ટ્ર મુખ્યમંત્રી ઉદ્ધવ ઠાકરેને થપ્પડ મારવાના નિવેદન સામે આ કાર્યવાહી કરાઈ હતી. તેમની ધરપકડ કરવા આવેલ પોલીસ અને રાણેના સમર્થકો વચ્ચે ઉગ્ર બોલાચાલી થઈ હતી તે દરમ્યાનનો વીડિયો સામે આવ્યો હતો.

જન આર્શીવાદ યાત્રા દરમિયાન ચિપલુનમાંથી અટકાયત કરાઈ

નારાયણ રાણેની ચિપલુનમાંથી અટકાયત કરાઈ છે. રાણે ભાજપની જન આર્શીવાદ યાત્રા માટે ચિપલુન આવ્યાં ત્યારે પોલીસે તેમની અટકાયત કરી હતી. આ પહેલા રત્નાગિરિ કોર્ટે તેમની જામીન અરજી ફગાવી દીધી હતી. 

નારાયણ રાણેનું વિવાદીત નિવેદન 

કેન્દ્રની નરેન્દ્ર મોદી સરકારમાં ઉદ્ધવ ઠાકરે વિશે ઉદ્યોગ મંત્રી નારાયણ રાણેના નિવેદને સમગ્ર મહારાષ્ટ્રમાં હંગામો મચાવ્યો છે. હકીકતમાં, સોમવારે મહારાષ્ટ્રના મુખ્યમંત્રી ઉદ્ધવ ઠાકરેની ટીકા કરતી વખતે નારાયણ રાણેની જીભ લપસી ગઈ હતી. રાણેએ એક પ્રશ્નના જવાબમાં વાંધાજનક નિવેદન આપ્યું અને કહ્યું, 'આ વ્યક્તિ (ઉદ્ધવ ઠાકરે) ના કારણે જ મહારાષ્ટ્રમાં 1 લાખ 57 હજાર લોકો મૃત્યુ પામ્યા છે (કોવિડથી) ત્યાં કોઈ રસી નથી, કોઈ સ્ટાફ નથી,   ત્યાં કંઈ નથી . શું તે દિવસો પાછળ જોતા હતા અને પૂછતા હતા કે આપણે આઝાદ થયાને કેટલા વર્ષો વીતી ગયા .. અરે, અમને કેવી રીતે ખબર નથી .. મેં તેમને ત્યાં થપ્પડ મારી હોત.

વાંધાજનક ટિપ્પણી બાદ શિવસેના આક્રમક મૂડમાં 

કેન્દ્રિય મંત્રી નારાયણ રાણે દ્વારા દ્વાવ ઠાકરે પર વાંધાજનક ટિપ્પણી કર્યા બાદ શિવસેના મહારાષ્ટ્રમાં આક્રમક રીતે વિરોધ કરી રહી છે. શિવ સૈનિકોએ મુંબઈના દાદર વિસ્તારમાં નારાયણ રાણે વિરુદ્ધ પોસ્ટર લગાવ્યા. પોસ્ટરમાં નારાયણ રાણેની તસવીર કોબંડી ચોર સાથે લખી છે જેનો અર્થ થાય છે - ચિકન ચોર. શિવસેનાના કાર્યકરોએ નાસિકમાં ભાજપના કાર્યાલય પર પથ્થરમારો કર્યો હતો. બીજી બાજુ શિવસેનાના સાંસદ વિનાયક રાઉતે વડાપ્રધાન નરેન્દ્ર મોદીને પત્ર લખીને રાણેને કેન્દ્રીય મંત્રી પદેથી હટાવવાની માંગ કરી હતી.