દુઃખદ / જૂનાગઢમાં મેંદરડા ગામ નજીક બનેલી દુર્ઘટનામાં બે યુવાનોનાં કરુણ મોત

જૂનાગઢ જિલ્લામાં મેંદરડા નજીક અમરાપુર–ચાંદ્રાવાડી માર્ગ પર રવિવારે મોડીરાત્રી એક દુર્ઘટના બની હતી. કારનું સ્ટેરીંગ કાબૂમાંથી થતાં વાહન સીધું નદીમાં ખાબક્યું હતું. આ ભયાનક અકસ્માતમાં બે યુવાનોના મોત થયા છે જ્યારે ત્રણે યુવકોને ઈજા પહોંચી છે.

લગ્ર પ્રસંગમાંથી પરત ફરી રહ્યા હતા ત્યારે દુર્ઘટના સર્જાઈ

મળતી માહિતી મુજબ, મેંદરડા પાસેના ગઢાડી ગામે મિત્રો પોતાના સાથીના લગ્ન પ્રસંગે હાજર રહેવા ગયા હતા. લગ્ન પ્રસંગ પૂરો થયા બાદ પરત ફરી રહ્યા હતા ત્યારે અમરાપુર–ચાંદ્રાવાડી વચ્ચે આ દુર્ઘટના સર્જાઈ હતી.

બે યુવકોના ઘટના સ્થળે કરૂણ મોત થયા

દુર્ઘટનામાં મહિપાલ કુબાવત અને કિશન કામાણી નામના બે યુવાનોનું ઘટનાસ્થળે જ કરુણ મોત થયું હતું. બાકી રહેલા ત્રણ ઈજાગ્રસ્ત યુવકોને સારવાર માટે નજીકની હોસ્પિટલમાં ખસેડાયા છે.

આ પણ વાંચોઃ આજે ગુજરાત સરકારની કેબિનેટ બેઠક, કોમનવેલ્થ ગેમથી લઈ ખાતરની અછત સહિતના મુદ્દાઓ ચર્ચાશે

પોલીસ દ્વારા તપાસ હાથ ધરી

ઘટના અંગે પોલીસ દ્વારા તપાસ હાથ ધરવામાં આવી છે અને પ્રાથમિક તબક્કે કારનું સ્ટેરીંગ કાબૂ બહાર જવાના કારણે અકસ્માત સર્જાયો હોવાનું બહાર આવી રહ્યું છે. પોલીસ દ્વારા વધુ તપાસ ચાલુ રાખવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ