NRI / ભારતમાં અભ્યાસ માટે બે ન્યૂ સ્ટુડન્ટ વિઝા ઓફરનું એલાન, જાણો ફાયદો, આ રીતે કરો Apply

ભારતે દેશની શૈક્ષણિક સંસ્થાઓમાં ઉચ્ચ શિક્ષણ મેળવવા ઈચ્છતા વિદેશી વિદ્યાર્થીઓ માટે વિઝાની બે વિશેષ શ્રેણીઓ રજૂ કરી છે. અધિકારીઓએ જણાવ્યું કે ગૃહ મંત્રાલયે 'ઈ-સ્ટુડન્ટ વિઝા' અને 'ઈ-સ્ટુડન્ટ-એક્સ વિઝા' રજૂ કર્યા છે. આ પહેલ વિદેશી વિદ્યાર્થીઓને ભારતમાં અભ્યાસ કરવા પ્રોત્સાહિત કરવા અને તેમના માટે પ્રક્રિયાઓને સરળ બનાવવાની દિશામાં એક મોટું પગલું છે.

શું છે આ પગલું?

ભારતમાં ઉચ્ચ શિક્ષણ મેળવવા માંગતા વિદેશી વિદ્યાર્થીઓ માટે ભારતે બે નવી વિશેષ વિઝા શ્રેણીઓ રજૂ કરી છે. આ પહેલ ભારતના સ્ટડી ઇન ઇન્ડિયા (SII) પ્રોગ્રામ હેઠળ કરવામાં આવી છે.

E Student વિઝા

આ વિઝા એ વિદેશી વિદ્યાર્થીઓ માટે છે જેઓ SII પોર્ટલ પર રજિસ્ટર્ડ છે. ભારતની માન્ય શૈક્ષણિક સંસ્થાઓમાં નિયમિત, ફૂલ ટાઈમ, અંડર ગ્રેજ્યુએટ, ગ્રેજ્યુએટ, પીએચડી અથવા અન્ય ઔપચારિક અભ્યાસક્રમોમાં પ્રવેશ લેવા માગો છો.

E Student-x વિઝા

આ વિઝા એવા લોકોના આશ્રિતો માટે છે જેમની પાસે ઈ-સ્ટુડન્ટ વિઝા છે.

ઈ-સ્ટુડન્ટ વિઝાની ખાસ વિશેષતાઓ

• કોર્સની અવધિના આધારે વિઝા મહત્તમ 5 વર્ષ માટે માન્ય રહેશે.
• ભારતમાં રહીને વિઝા લંબાવી શકાય છે.
• વિઝા ધરાવનાર વિદ્યાર્થીઓ કોઈપણ ભારતીય ઈમિગ્રેશન ચેકપોસ્ટ પરથી ભારતમાં પ્રવેશી શકે છે.
• SII ID વિના, કોઈપણ વિદેશી વિદ્યાર્થી ભારતમાં અભ્યાસ માટે અરજી કરી શકશે નહીં.
• ક્યાં અને કેવી રીતે અરજી કરવી?
• વિદ્યાર્થીએ પહેલા સ્ટડી ઇન ઇન્ડિયા (SII) પોર્ટલ પર નોંધણી કરાવવી પડશે.
• Register Now ટેબ પર જઈને તમારે નામ, દેશ, જન્મ તારીખ, મોબાઈલ નંબર અને ઈમેલ આઈડી જેવી માહિતી ભરવાની રહેશે.
• રજિસ્ટ્રેશન પછી વિદ્યાર્થીઓને એક યુનિક SII ID મળશે, જે તેમની અરજી અને પ્રક્રિયાને ટ્રેક કરવામાં મદદ કરશે.
• આ પછી વિઝા માટે અલગથી અરજી કરવાની રહેશે.
• વિઝા પ્રક્રિયા પોર્ટલ indianvisaonline.gov.in દ્વારા પૂર્ણ કરવામાં આવશે.

વધુ વાંચો: અમેરિકા ભણવા જવાનો પ્લાન છે? તો આ કોર્સમાં લેજો એડમિશન, બની જશે તમારી લાઈફ

કોને થશે ફાયદો?

આ સુવિધા તે વિદેશી વિદ્યાર્થીઓ માટે ઉપલબ્ધ હશે જેઓ ભારતની 600+ ભાગીદાર સંસ્થાઓમાં 8000+ અભ્યાસક્રમો (એન્જિનિયરિંગ, મેનેજમેન્ટ, એગ્રીકલ્ચર, સાયન્સ, આર્ટસ, લેંગ્વેજ સ્ટડી, લો, યોગ વગેરે)માં પ્રવેશ લેવા માગે છે. વિદ્યાર્થીઓ તેમની પસંદગીના અભ્યાસક્રમો પસંદ કરી શકે છે, જેમાં બેચલર, માસ્ટર્સ, પીએચડી અને અન્ય અભ્યાસક્રમોનો સમાવેશ થાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ