ટીવી સીરિયલ 'જમાઇ રાજા' ફેમ નાના પડદાની હોટ અને બોલ્ડ એક્ટ્રેસ નિયા શર્મા દિવાળી પર ગજબ સુંદર લાગે છે. દિવાળી પર તે એક પાર્ટીમાં ગઇ હતી. જ્યાં તે સુંદર લહેંગામાં જોવા મળી પરંતુ એક દીવાથી તેનો લહેંગો બળી ગયો. આગ પર તરત જ કાબૂ મેળવી લેવામાં આવ્યો. પરંતુ તેનો લહેંગો સળગી ગયો.
નિયાએ પોતાના સોશ્યલ મીડિયા એકાઉન્ટ પર પોતાની સ્ટોરી ફેન્સ સાથે શૅર કરી. નિયાએ જણાવ્યુ કે, ''કેવી રીતે એક નાનકડો દીવો મોટું નુકસાન પહોંચાડી શકે છે. તેણે સળગેલા લહેંગાની ફોટો પણ શૅર કરી છે. નિયાએ પોતાની પોસ્ટમાં લખ્યુ કે, એક દીવાની શક્તિ. એક સેકન્ડમાં આગ લાગી ગઇ...મેં ઘણા લેયરનો લહેંગો પહેર્યો હોવાના કારણે બચી ગઈ, કંઈ પણ થઈ શકતું હતુ.''
ઉલ્લેખનીય છે કે, નિયા શર્મા એકતા કપૂરના શો નાગિનની ચોથી સિઝનમાં જોવા મળશે, તે ઇચ્છાધારી નાગિનના રૂપમમાં જોવા મળવાની છે. નાગિનની સિઝન 1 અને 2માં મૌની રોયએ નાગિનનું કેરેક્ટર પ્લે કર્યો હતો, જ્યારે સુરભિને સિઝન 3માં જોવાઇ હતી.