- બીરબાહા હાંસદાએ દ્રૌપદી મુર્મૂના ધર્મ વિશે ઉઠાવ્યાં સવાલ
- કહ્યું શું દ્રોદાપી મુર્મૂ ખરેખર આદિવાસી છે
- મુર્મૂએ પોતાની જાતને હિંદુ ધર્મની ગણાવે છે
દ્રૌપદી મુર્મૂ ભારતના 15મા રાષ્ટ્રપતિ તરીકે લગભગ નક્કી છે પરંતુ તેઓ રાષ્ટ્પતિ બને તે પહેલા તેમના ધર્મ વિશે સવાલ ઊભા થયા છે. ટીએમસી ધારાસભ્ય અને સંથાલી અભિનેત્રી બીરબાહા હાંસદાએ મુર્મૂના ધર્મ વિશે મોટો સવાલ ઉઠાવ્યો છે.
શું દ્રૌપદી મુર્મુ ખરેખર આદિવાસી છે? બીરબાહા હાંસદા
બીરબાહા હાંસદાએ પૂછ્યું કે શું દ્રોદાપી મુર્મુ ખરેખર આદિવાસી છે. તે પોતાની જાતને હિન્દુ લખે છે. લોકોને ખોટી રીતે સમજાવવાથી કશું નહીં થાય.
મુર્મૂએ હિંદુ નહીં સંથાલી ધર્મ એવું લખવું જોઈએ- હાંસદા
સોમવારે વિધાનસભામાં બીરબાહા હંસદાએ સ્પષ્ટ શબ્દોમાં કહ્યું હતું કે, "હું પણ એક આદિવાસી મહિલા છું. એક આદિવાસી મહિલા તરીકે લખતા આપણે ધર્મમાં સંથાલી ધર્મ લખીએ છીએ, પરંતુ દ્રૌપદી મુર્મૂએ હિન્દુ ધર્મ લખ્યો છે. અમે સંથાલ છીએ, પરંતુ હિન્દુ નથી, અમે બંગાળમાં સંથાલી ધર્મનું પાલન કરીએ છીએ." તેમણે કહ્યું કે, "ભાજપ સંથાલી ધર્મને અનુસરનારા પ્રતિનિધિને નોમિનેટ કરે. અમને કોઈ વાંધો નથી. આ રીતે જુઠ્ઠાણા ફેલાવવાથી કામ નહીં ચાલે. અમે આદિવાસીઓ પણ સમજીએ છીએ કે કોણ જૂઠું બોલે છે અને કોણ સાચું બોલે છે.
દ્રૌપદી મુર્મૂ ઓડિશાના સંથાલી આદિવાસી સમાજના છે
ઉલ્લેખનીય છે કે ભારતના રાષ્ટ્રપતિ બનવા જઈ રહેલા દ્રૌપદી મુર્મૂ ઓડિશાના સંથાલી આદિવાસી સમાજના છે અને આ સમુદાય બંગાળમાં પણ વસવાટ કરે છે.
