પ્રતિબંધિત / બૅન કર્યા બાદ TIKTOKનું આવ્યું મોટું નિવેદન, કહ્યું અમે ભારતના યુઝર્સ...

• ટીકટોક બૅન કરવાનો સરકારનો આદેશ
• નિખિલ ગાંધીએ આપ્યુ નિવેદન
• ચીનને નહી અપાય યુઝર્સની માહિતી 

સરકારના આદેશનું પાલન કરવામાં આવી રહ્યું છે, પરંતુ કોઈ પણ ભારતીય યુઝરની માહિતી કોઈ અન્ય દેશ સાથે શૅર કરવામાં આવી નથી, ચીન સાથે પણ નહીં. ગઈકાલે (29 જૂન) મોદી સરકારે ટિકટોક સહિત 59 એપ્સ પર પ્રતિબંધ મૂક્યો છે. લદાખમાં તણાવ વચ્ચે સરકારના આ નિર્ણયને ચીન માટે એક મજબૂત સંદેશ તરીકે જોવામાં આવી રહ્યું છે.

pic.twitter.com/0DZQ3Ucqcl

— TikTok India (@TikTok_IN) June 30, 2020

 ટિકટોકના ભારતના હેડ નિખિલ ગાંધીએ કહ્યું કે, "ભારત સરકારે ટિકટોક સહિત 59 એપ્સને બૅન કરવાનો વચગાળાનો આદેશ આપ્યો છે, અમે આ હુકમનું પાલન કરવાની તૈયારીમાં છીએ." નિખિલ ગાંધીએ એમ પણ કહ્યું હતું કે અમે વપરાશકર્તાની ગુપ્તતા અને અખંડિતતાને બનાવી રાખીશુ. જો કે, સરકારનો દાવો આથી અલગ છે અને તે ખૂબ ગંભીર છે.

For safety, security, defence, sovereignty & integrity of India and to protect data & privacy of people of India the Government has banned 59 mobile apps.
Jai Hind! 🇮🇳

— Ravi Shankar Prasad (@rsprasad) June 29, 2020

29 જૂનના રોજ તેના નિર્ણય અંગે માહિતી આપતાં કેન્દ્ર સરકારે કહ્યું કે અમને આ એપ્સના દુરૂપયોગ વિશે માહિતી મળી રહી છે, યુઝર્સનો ડેટા ભારતની બહાર અન્ય દેશોમાં ટ્રાન્સફર કરવામાં આવી રહ્યો છે. તેથી લોકોની સંરક્ષણ, સુરક્ષા, સાર્વભૌમત્વ, અખંડિતતા અને ગોપનીયતાને ધ્યાનમાં રાખીને 59 એપ્સ પર પ્રતિબંધ મૂકવાનો નિર્ણય લેવામાં આવ્યો છે.

કેન્દ્ર સરકારે આઇટી એક્ટની કલમ 69-એ હેઠળ આ નિર્ણય લીધો છે. સરકારે કહ્યું છે કે આ એપ્સ ભારતની સાર્વભૌમત્વ અને અખંડિતતા માટે ખતરો છે, તેથી તેમના પર મોબાઇલ અને નોન-મોબાઇલ ઇન્ટરનેટ ડિવાઇસીસમાં પ્રતિબંધ મૂકવામાં આવ્યો છે.