કરિયર / આ સરકારી કંપનીમાં ગ્રેડ A અને B ઓફિસરની પડી ભરતી, ફોર્મ ભરવાની લાસ્ટ ડેટ નજીક

ઇન્ડિયા ઇન્ફ્રાસ્ટ્રક્ચર ફાઇનાન્સ કંપની લિમિટેડ (IIFCL)માં ઓફિસર ગ્રેડ A અને ગ્રેડ B માટે ભરતી પડી છે. આ ભરતી માટે ઓનલાઈન અરજી પ્રોસેસ 18 માર્ચથી શરૂ થઈ હતી અને છેલ્લી તારીખ 10 એપ્રિલ 2026 છે.. લાયક અને રસ ધરાવતા ઉમેદવારો સત્તાવાર વેબસાઇટ iifcl.in ની મુલાકાત લઈને ઓનલાઈન ફોર્મ ભરી શકે છે. જેમાં ફોર્મ ભર્યા બાદ તેનું પ્રિન્ટઆઉટ 25 એપ્રિલ સુધી લઈ શકાય છે.

• મહત્વની તારીખો
  આ ભરતીમાં પાત્રતા માપદંડ પૂર્ણ કરવાની છેલ્લી તારીખ 28 ફેબ્રુઆરી 2026  છે. જેમાં ઓનલાઈન પરીક્ષાની તારીખ મે/જૂન 2026 રખાઈ છે. તો પ્રોવિઝનલ ઇન્ટરવ્યુની તારીખ: જૂન/જુલાઈ 2026 છે. પ્રોવિઝનલ ફાઇનલ રિઝલ્ટની જુલાઈ/ઓગસ્ટ 2026 છે.
  

• પાત્રતા માપદંડ
  આ ભરતી માટે ઉમેદવારોએ પદ મુજબ અનુસ્નાતક ડિગ્રી/ડિપ્લોમા/LLB/BA+LLB (5 વર્ષ)/CA/CS/CMA/ICWA/B.Tech/BE વગેરે પૂરૂ કરેલ હોવું જોઈએ. જેમાં પદના આધારે મીનીમમ વય મર્યાદા 21 વર્ષ અને મેક્સીમમ વય મર્યાદા 37/40 વર્ષ છે. સરકારી નિયમો મુજબ વયમાં છૂટછાટ પણ આપવામાં આવશે.
  
• ફી
  આ ભરતી માટે અરજી ફી 600 રૂપિયા નક્કી કરાઈ છે. જ્યારે SC, ST અને PwBD કેટેગરી માટે ફી 100 રૂપિયા છે. ફી સાથે નોટીફીકેશન ચાર્જ અલગથી ચૂકવવો પડશે.
  

વધુ વાંચો : અગ્નિવીર MR મ્યુઝિશિયનના પદો પર આ દિવસથી ભરતી શરુ, 10 પાસ યુવાઓ માટે મોકો

• અરજી કરવાની પ્રોસેસ
  

1. સૌપ્રથમ ibpsreg.ibps.in/iifcljan26/ પોર્ટલ પર જાઓ.
2. વેબસાઇટ પર "Click here for new registration" પર ક્લિક કરો અને જરૂરી ડીટેલ ભરી રજિસ્ટ્રેશન કરો.
3. ત્યાર બાદ "Login for already registered candidates" પર ક્લિક કરો અને બધી ડીટેલ યોગ્ય રીતે ભરીને ફોર્મ ભરો.
4. હવે તમારી કેટેગરી અનુસાર નિર્ધારિત ફી ભરો.
5. ફોર્મ સબમિટ કરો અને પ્રિન્ટઆઉટ લો અને તેને સેફ રાખો.
   

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ