Asia Cup 2025 / એશિયા કપમાં પ્રથમવાર પાક. વિરૂદ્ધ રમશે આ 5 ભારતીય ખેલાડીઓ! જુઓ લિસ્ટ

આગામી રવિવાર 14 સપ્ટેમ્બરના રોજ એશિયા કપમાં ભારત અને પાકિસ્તાન વચ્ચેનો મુકાબલો દુબઈના ઇન્ટરનેશનલ ક્રિકેટ સ્ટેડિયમમાં યોજાશે. આ મેચ માટે ટીમ ઇન્ડિયાની હજુ સુધી જાહેરાત નથી કરાઈ. જેમાં ભારતીય ટીમમાં પાંચ પ્લેયર્સ એવા છે જેમને આજ સુધી પાકિસ્તાન સામે એક પણ મેચ નથી રમી. આ પ્લેયર્સને 14 સપ્ટેમ્બરે યોજાનારી મેચમાં પાકિસ્તાન સામે રમવાનો મોકો મળી શકે છે.

• આ પ્લેયર્સ પાકિસ્તાન સામે કોઈ મેચ નથી રમી શક્યા

વર્ષ 2012-13 બાદ ભારત અને પાકિસ્તાન વચ્ચે કોઈ દ્વિપક્ષીય સિરીઝ નથી રમાઈ. આ બંને ટીમો વચ્ચે ક્રિકેટ મેચ માત્ર આંતરરાષ્ટ્રીય (ICC) અને એશિયન (ACC) ઇવેન્ટ્સમાં જ યોજાય છે. જેથી ભારતીય ટીમમાં સામેલ થયેલા યંગસ્ટર્સ આજદિન સુધી પાકિસ્તાન સામે કોઈ મેચ રમી શક્યા નથી. આ પ્લેયર્સમાં ભારતના ઓપનિંગ બેટ્સમેન અભિષેક શર્મા, વિકેટકીપર બેટ્સમેન સંજુ સેમસન અને જીતેશ શર્મા, તિલક વર્મા અને રિંકુ સિંહનો સમાવેશ થાય છે.

ભારતના આ પાંચ પ્લેયર્સમાંથી ત્રણ પ્લેયર્સને એશિયા કપના પહેલી મેચમાં રમવાનો મોકો મળ્યો હતો. UAE સામેની પ્લેઇંગ ઇલેવનમાં અભિષેક શર્મા, તિલક વર્મા અને સંજુ સેમસનનો સમાવેશ કરાયો હતો. જો ટીમ ઇન્ડિયા પાકિસ્તાન સામેની પ્લેઇંગ ઇલેવનમાં કોઈ ફેરફાર નહીં કરે તો 14 તારીખે આ પ્લેયર્સ પાકિસ્તાન સામે તેમના કરિયરની પહેલી મેચ રમશે. તો રિંકુ સિંહ અને જીતેશ શર્માને ટીમમાં કદાચ ચાંસ મળી પણ શકે છે.

વધુ વાંચો : એશિયા કપમાં પાકિસ્તાનનો પાવરફૂલ અંદાજ, પરંતુ પોઇન્ટ્સ ટેબલમાં ભારત આગળ સૂરસૂરિયું

• ગિલ અને કુલદીપ
  ઉલ્લેખનીય છે કે, આ વખતે એશિયા કપ T20 ફોર્મેટમાં યોજાઈ રહ્યો છે. એવામાં શુભમન ગિલ અને કુલદીપ યાદવ ભારતીય ટીમમાં એવા બે પ્લેયર્સ છે જેમને પાકિસ્તાન સામે ODI મેચ રમેલી છે પરંતુ અત્યાર સુધી ક્યારેય T20માં પાકિસ્તાન સામે નથી રમ્યા. શુભમન ગિલ અને કુલદીપ યાદવ 14 સપ્ટેમ્બરના રોજ પાકિસ્તાન સામે તેમની પહેલી T20 મેચ રમી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ