રાજકોટ / 'ભાજપ સામે અસંતોષ નથી ઉમેદવાર બદલવા જોઈએ', દાવેદાર ભાજપ યુવા અગ્રણી મુકેશ રાદડીયાનું મોટુ નિવેદન

• રાજકોટ પૂર્વ બેઠકના સેન્સ સમયે રાજકીય ગરમાવો
• દાવેદાર ભાજપ યુવા અગ્રણી મુકેશ રાદડીયાનું મોટુ નિવેદન
• MLA અને રાજ્યમંત્રી અરવિંદ રૈયાણી પર કર્યા પ્રહારો

રાજકોટમાં ભાજપની સેન્સ પ્રકિયાને લઇને મોટા સમાચાર સામે આવ્યા છે. રાજકોટ પૂર્વ બેઠકના સેન્સ સમયે પૂર્વ બેઠકમાં રાજકીય ગરમાવો આવ્યો હતો.  આ બેઠકના દાવેદાર ભાજપ યુવા અગ્રણી મુકેશ રાદડિયાએ નિવેદન આપતા જણાવ્યું કે પૂર્વ બેઠક પર દાવેદારો વધુ છે તેનું કારણ વર્તમાન ભાજપના MLA અને રાજ્યમંત્રી અરવિંદ રૈયાણી છે. આ બેઠકમાં અમારે પક્ષ પરિવર્તન ઈચ્છા નથી પરંતુ વ્યક્તિ પરિવર્તનની ઈચ્છા છે. 

બેઠકમાં અમારે પક્ષ પરિવર્તન ઈચ્છા નથી વ્યક્તિ પરિવર્તનની ઈચ્છા છે
મુકેશ રાદડિયાએ વધુમાં જણાવ્યું કે ઉપલાકાંઠે વિકાસ થયો જ નથી. જેને લઇને મારા સહીત અનેક આગેવાનોએ ભાજપમાંથી દાવેદારી કરવી પડી છે અને આ આમરો ભાજપ સામે અસંતોષ નથી પરંતુ ઉમેદવાર બદલવા જોઈએ. તેવી મુકેશ રાદડીયાએ માંગ ઉઠાવી હતી. વધુમાં રાજકોટની આ બેઠકમાં રાજ્યમંત્રી સામે રોષ જોવા મળી રહ્યો છે. દાવેદારોમાં આ બેઠકમાં ભાજપ અગ્રણી વલ્લભ દુધાત્રા, અશ્વિન મોલીયા, દલસુખ જાગાણી અને ખીમાભાઈ મકવાણા સહીત દાવેદારો છે. 
 
ટીલાળા PM નરેન્દ્ર મોદીને મળ્યા હતા
રાજકોટ દક્ષિણ બેઠક પર ખોડલધામના ટ્રસ્ટી અને ઉદ્યોગપતિ રમેશ ટીલાળાએ દાવેદારી નોંધાવી છે. રમેશ ટીલાળા વેરાવળ શાપર ઇન્ડસ્ટ્રીઝ એસોસીએશનના પણ ચેરમેન છે.
મહત્વ છે તાજેતરમાં નરેશ પટેલ સાથે રમેશ ટીલાળા PM નરેન્દ્ર મોદીને મળ્યા હતા.