વિવાદ / 'હનુમાનજીની કબર ખોલવામાં આવશે', એવી પત્રિકા છપાવનાર સકંજામાં, વલસાડમાં હતો કાર્યક્રમ

વલસાડ જિલ્લામાં હનુમાન જયંતિની ઉજવણીની પત્રિકાથી વિવાદ સર્જાયો છે. દરગાહમાં "હનુમાનજીની કબર ખોલવામાં આવશે" તેવા કાર્યક્રમનું આયોજન કરાયુ હતુ. પત્રિકા છપાવી લોકોને દરગાહમાં ભાગ લેવા માટે આમંત્રણ અપાયુ હતુ. હનુમાનજી અંગે અપમાનજનક ટિપ્પણી કરાતાં હિંદુ સંગઠનોમાં રોષ ફેલાયો હતો.

પોલીસે પત્રિકા છપાવનાર આરોપી ચેતન બાપુની કરી અટકાયત
વલસાડના રાબડા ગામની સરકાર હજરત જોરાવર પીર બાબા દરગાહે પત્રિકા છપાવી હતી. જેમાં "હનુમાનજીની કબર ખોલવામાં આવશે" તેવો ઉલ્લેખ કરાયો હતો. પોલીસે પત્રિકા છપાવનાર આરોપી ચેતન બાપુની અટકાયત કરી છે. ચેતન બાપુની અટકાયત કરીને પોલીસે પૂછપરછ હાથ ધરી છે. આરોપી વિરૂદ્ધ કડક કાર્યવાહી કરવા હિન્દુ સંગઠનોની માગ પણ કરાઈ છે. 

વાંચવા જેવું: 'ગુજરાતમાં હિટવેવની શક્યતા નહીં', હવામાન વિભાગની લેટેસ્ટ આગાહી, પવન દિશા બદલશે

હિન્દુ સંગઠનોમાં રોષ
હિન્દુઓની આસ્થા સમાન હનુમાનજી વિશે વિવાદિત ટિપ્પણી કરતા હિન્દુ  ધર્મની લાગણી દુભાઈ હતી. ચેતન બાપુ વિરુદ્ધ કડક અને દાખલારૂપ કાર્યવાહી કરવાની હિન્દુ સંગઠનો માંગ કરી રહ્યા છે. હનુમાન જયંતિની ઉજવણી નિમિત્તે છપાવવામાં આવેલી આ પત્રિકા વાઇરલ થતાં માહોલ ગરમાયો હતો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો