- ગુજરાતમાં કડકડતી ઠંડીનો અહેસાસ
- હજુ બે દિવસ ઠંડીનો ચમકારો જોવા મળશે
- બનાસકાંઠાના સરહદી વિસ્તારમાં બરફની ચાદર છવાઈ
- નલિયામાં રેકોર્ડ 1.4 ડિગ્રી તો પાટણમાં 6.7 ડિગ્રી તાપમાન નોંધાયુ
- રાજ્યના 9 શહેરોમાં 10 ડિગ્રીથી નીચુ તાપમાન
ગુજરાતમાં ફરી એકવાર કડકડતી ઠંડીનો અહેસાસ થઈ રહ્યો છે. જોકે હજુ પણ બે દિવસ ઠંડીનો ચમકારો જોવા મળશે. આ તરફ બનાસકાંઠાના સરહદી વિસ્તારમાં બરફની ચાદર છવાઈ ગઈ છે. તો વળી નલિયામાં રેકોર્ડબ્રેક 1.4 ડિગ્રી તાપમાન નોંધાયુ છે. મહત્વનું છે કે, રાજ્યના 9 શહેરોમાં 10 ડિગ્રીથી નીચુ તાપમાન પહોંચ્યું છે. ઠંડીથી રક્ષણ મેળવવા લોકો તાપણાનો સહારો લઈ રહ્યા છે.
ગુજરાતમાં એકવાર ફરી ઠંડીના વધુ એક રાઉન્ડનો પ્રારંભ થઇ ચૂક્યો છે. રાજ્યમાં આગામી 3-4 દિવસ દરમિયાન તાપમાનમાં ઘટાડો નોંધાશે. રાજ્યમાં 3થી 6 ડિગ્રી સુધી તાપમાન ઘટવાની હવામાન વિભાગ દ્વારા આગાહી કરવામાં આવી છે. રાજ્યના 5 શહેરોમાં તાપમાન 10 ડિગ્રીથી નીચે નોંધાયું છે.
નોંધનીય છે કે, ઉત્તર અને મધ્ય ભારતમાં પણ મહત્તમ તાપમાનમાં ઘટાડો થયો છે. દિલ્હીમાં ગત દિવસોની સરખામણીએ વર્તમાનમાં તાપમાન 2-3 ડિગ્રી સેલ્સિયસનો ઘટાડો નોંધાયો છે. લઘુત્તમ અને મહત્તમ તાપમાનમાં ઝડપી ઘટાડો થશે. પહાડો પરથી બરફીલા પવન મેદાનો તરફ જશે. હવામાન વિભાગે આગામી દિવસો માટે મોટું એલર્ટ જાહેર કર્યું છે. અમુક વિસ્તારોમાં આવતીકાલથી જ ઠંડીનો કહેર વધશે તો અમુક વિસ્તારોમાં આગામી દિવસોમાં આ શીતલહેરો જોવા મળશે.
જાણો શીત લહેર એટલે શું છે?
કોલ્ડવેવ તાપમાનના આધારે નક્કી કરવામાં આવે છે. હવામાન વિભાગના મહાનિર્દેશક ડૉ. એમ મહાપાત્રાના જણાવ્યા મુજબ, ભારત દ્વારા નિર્ધારિત માપદંડો અનુસાર, જો તાપમાન 10 ડિગ્રી સેલ્સિયસ કરતાં ઓછું હોય અથવા વાસ્તવિક તાપમાન સામાન્ય કરતાં 5 ડિગ્રી સેલ્સિયસ ઘટી ગયું હોય તો તેને ઠંડી ગણવામાં આવે છે તેમજ તરંગ અથવા શીતલહેર કહેવાય છે.
જાણો કયા કેટલું તાપમાન નોંધાયું ?
- પાટણમાં 6.7 ડિગ્રી તાપમાન નોંધાયુ
- ભૂજમાં 7.6 ડિગ્રી તાપમાન નોંધાયુ
- દાહોદમાં 8 ડિગ્રી તાપમાન નોંધાયુ
- ડીસામાં 8.2 ડિગ્રી તાપમાન નોંધાયુ
- ગાંધીનગરમાં 8.3 ડિગ્રી તાપમાન નોંધાયુ
- રાજકોટમાં 8.4 ડિગ્રી તાપમાન નોંધાયુ
- અમરેલીમાં 9 ડિગ્રી તાપમાન નોંધાયુ
- જૂનાગઢમાં 9.8 ડિગ્રી તાપમાન નોંધાયુ
- અમદાવાદમાં 10 ડિગ્રી તાપમાન નોંધાયુ
- સુરતમાં 12.2 ડિગ્રી તાપમાન નોંધાયુ
