સરળ ટિપ્સ / તમારો ફોન વારેવારે હેંગ થાય છે? આ ટ્રિક્સથી રોકેટ સ્પીડે ચાલશે મોબાઈલ

ઘણી વાર સ્માર્ટફોન જૂનો થતા તેની સ્પીડ ધીમી પડી જાય છે અને ફોન વારંવાર હેંગ થવા લાગે છે. વપરાશકર્તાઓએ એપ ખોલતા તે વચ્ચે જ અટકી જતો હોય છે, જેના કારણે કામ અધવચ્ચે અટકી જાય છે અને મુશ્કેલી વધે છે. પરંતુ ચિંતા કરવાની જરૂર નથી. થોડા સરળ ઉપાયો અપનાવીને ફોનની સ્પીડ ફરી વધી શકે છે.

ફોન હેંગ થવાના મુખ્ય કારણો

• મેમરી ફૂલ થઈ જવું
• વધુ એપ્સ એકસાથે ચલાવવી
• જૂના વર્ઝનના એપ્સમાં બગ્સ
• વધારે કેશે ડેટા જમા થવો
• ઓવરહીટિંગ (ફોન ગરમ થવો)

ફોનને રીસ્ટાર્ટ કરો

સૌથી સરળ ઉપાય છે ફોનને બંધ કરીને ફરી ચાલુ કરવો. આ નાના પગલાથી ઘણીવાર મોટી સમસ્યા હલ થઈ જાય છે.

કેશે ડેટા સાફ કરો

એપ્લિકેશન સમય જતાં કેશે ફાઇલ્સ જમા કરે છે જે ફોનને ધીમી કરે છે. સેટિંગ્સ → એપ્સ → સ્ટોરેજ → કેશે ક્લિયર પર ક્લિક કરીને ફોન હળવો અને ઝડપી બનાવો.

એપ્સને અપડેટ કરો

જૂની એપ્સમાં બગ્સ હોવાના કારણે પણ ફોન ધીમો પડી શકે છે. Google Play Store અથવા App Store માં જઈને હંમેશા એપ્સને અપડેટ રાખો.

સ્ટોરેજ ખાલી કરો

ફોનમાં મેમરી ફૂલ હોય તો પરફોર્મન્સ ઘટે છે. બિનજરૂરી ફોટા, વીડિયો, ફાઇલો અથવા એપ્સ ડિલીટ કરો. મહત્વનું ડેટા ક્લાઉડ અથવા એક્સટર્નલ સ્ટોરેજમાં સાચવો.

ફેક્ટરી રીસેટ કરો

જો ઉપરના ઉપાયો કામ ના કરે તો છેલ્લો વિકલ્પ છે ફેક્ટરી રીસેટ. આથી ફોન નવો જેવી સ્થિતિમાં આવી જાય છે. આથી તમારો બધું ડેટા ડિલીટ થશે, એટલે પહેલા બેકઅપ લેવું જરૂરી છે.

વધુ વાંચો : પ્લાનમાં ફેરફાર કરતા આ કંપનીના યુઝર્સને લાગ્યો ઝટકો, જાણો

આ સાવચેતીઓ પણ રાખો

• એક સાથે ઘણી એપ્સ ના ચલાવો.
• ફક્ત વિશ્વસનીય એપ્સનો જ ઉપયોગ કરો.
• ફોનને વધારે ગરમ થવા ના દો.
• સમયાંતરે એન્ટીવાયરસથી સ્કેન કરો.

જો તમે આ સરળ સ્ટેપ્સ અપનાવો તો તમારો સ્માર્ટફોન ફરી ઝડપી બની શકે છે અને હેંગ થવાની સમસ્યા ઘટી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ