ગુજરાત / પત્નીએ ટકોર કરતા પતિને માઠું લાગતા ખાધો ગળાફાંસો તો બીજી તરફ પતિની પત્નીએ કરી ધોલાઈ

વલસાડના બસ ડેપો નજીક એક મહિલાએ પોતાના પતિને જાહેરમાં માર મારતા હોબાળો થયો હતો. મળતી માહિતી મુજબ, કોઈ વાતને લઈને પત્ની પોતાના પતિ પર શંકા કરતી હતી. આ દરમિયાન બસ ડેપો પાસે સામાન સાથે પતિને પત્નીએ ઝડપી પાડ્યો હતો. ત્યારબાદ બંને વચ્ચે બોલાચાલી થઈ હતી અને વાત એટલી વધી ગઈ કે પત્નીએ જાહેરમાં જ પતિને માર મારવાનું શરૂ કરી દીધું હતું.

પત્ની દ્વારા પતિની ધોલાઈ કરવામાં આવતા આસપાસના સ્થાનિક લોકો પણ ઘટનાસ્થળે દોડી આવ્યા હતા. જાહેરમાં બનેલી આ ઘટનાને લઈને બસ ડેપો નજીક લોકોનું ટોળું પણ એકઠું થયું હતું. આ સમગ્ર ઘટનાનો કોઈ વ્યક્તિએ વીડિયો બનાવી લીધો હતો. ત્યારબાદ આ વીડિયો સોશિયલ મીડિયા પર વાયરલ થયો હતો. પત્ની પતિ પર કોઈ વાતને લઈને શંકા કરતી હોવાની વાત સામે આવી છે. જોકે, પતિને બસ ડેપો પાસે સામાન સાથે ઝડપી પાડ્યા બાદ કયા કારણોસર વિવાદ થયો હતો તેની વધુ વિગતો સામે આવી નથી. હાલ જાહેરમાં પતિને માર મારવાનો વીડિયો વાયરલ થતા આ ઘટના ચર્ચામાં આવી છે.

સુરતના સચિન GIDCમાં ઘરકંકાસ વચ્ચે પતિએ આપઘાત કર્યો

બીજી તરફ સુરતના સચિન GIDC વિસ્તારમાં ઘરકંકાસ વચ્ચે પતિએ આપઘાત કર્યો હોવાની ઘટના સામે આવી છે. મળતી માહિતી મુજબ, નીતિન ગૌતમ કેટલાક સમયથી મોડી રાત સુધી બહાર ફરતા હતા. આ બાબતે પત્ની દ્વારા તેમને વારંવાર ટકોર કરવામાં આવતી હતી. મોડી રાત સુધી બહાર ફરવા બાબતે પતિ અને પત્ની વચ્ચે અવારનવાર ઝઘડા થતા હોવાનું સામે આવ્યું છે.

ગત રાત્રે પણ નીતિન ગૌતમ મોડી રાત્રે ઘરે આવ્યા હતા. આ બાબતે પત્ની સાથે તેમનો ફરી ઝઘડો થયો હતો. ત્યારબાદ પતિને આ બાબતનું માઠું લાગી આવ્યું હોવાનું સામે આવ્યું છે. ઘરમાં આ મુદ્દાને લઈને છેલ્લા કેટલાક સમયથી પતિ અને પત્ની વચ્ચે વારંવાર ઝઘડા થતા હતા. મોડી રાત સુધી બહાર ફરવા જવાના મુદ્દે બંને વચ્ચે વિવાદ થતો હતો. ગત રાત્રે પણ આ જ બાબતે ઝઘડો થયા બાદ નીતિન ગૌતમે ગળેફાંસો ખાઈને જીવન ટૂંકાવ્યું હતું.

આ પણ વાંચો : માંડવીના રાજડામાં 18 ઊંટના મોત અંગે આવ્યો નવો વળાંક, જાણીને ચોંકી જશો

એક તરફ જાહેરમાં ધોલાઈ, બીજી તરફ ઘરકંકાસમાં આપઘાત

વલસાડ અને સુરતમાં સામે આવેલી આ બંને ઘટનાઓમાં પતિ-પત્ની વચ્ચેના વિવાદની વાત સામે આવી છે. વલસાડમાં પત્નીએ પતિ પર શંકા હોવાને કારણે બસ ડેપો નજીક જાહેરમાં માર માર્યો હતો અને ઘટનાનો વીડિયો વાયરલ થયો છે. જ્યારે સુરતના સચિન GIDCમાં મોડી રાત સુધી બહાર ફરવાના મુદ્દે પતિ-પત્ની વચ્ચે વારંવાર ઝઘડા થતા હતા અને ગત રાત્રે ફરી ઝઘડો થયા બાદ નીતિન ગૌતમે ગળેફાંસો ખાઈને જીવન ટૂંકાવ્યું હતું. બંને ઘટનાઓએ પતિ-પત્ની વચ્ચેના ઘરેલુ વિવાદને લઈને ચર્ચા ઉભી કરી છે. એક ઘટનામાં વિવાદ જાહેરમાં રસ્તા પર પહોંચી ગયો, જ્યારે બીજી ઘટનામાં ઘરકંકાસનું ગંભીર પરિણામ સામે આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ