Teachers Day 2023 / એક્ટિંગની દુનિયામાં પગરવ પહેલા શિક્ષકની નોકરી કરતાં હતા બૉલીવુડના આ દિગ્ગજ કલાકારો, ખેલાડી કુમાર સૌથી પહેલો

• ઘણા સેલેબ્સે મોટા પડદા પર શિક્ષકની ભૂમિકા ભજવી છે
• બોલિવૂડના પીઢ અભિનેતા અનુપમ ખેર પોતાની એક્ટિંગ સ્કૂલ ચલાવે છે
• એક્ટિંગમાં જોડાતા પહેલા ચંદ્રચુડ સિંહ દૂન સ્કૂલમાં બાળકોને સંગીત શીખવતો હતો

Teacher's Day 2023: 5 સપ્ટેમ્બરના રોજ સમગ્ર ભારતમાં 'શિક્ષક દિવસ' ઉજવવામાં આવે છે. બોલિવૂડમાં પણ ઘણા સેલેબ્સે મોટા પડદા પર શિક્ષકની ભૂમિકા ભજવી છે. પરંતુ ઘણા ઓછા લોકો જાણે છે કે એવા ઘણા સેલેબ્સ છે જેમણે માત્ર રીલ જ નહીં પરંતુ રિયલ લાઈફમાં પણ ટીચરની ભૂમિકા ભજવી છે. આ યાદીમાં પહેલું નામ બોલિવૂડના ખેલાડી અક્ષય કુમારનું છે, જેમણે અભિનય સિવાય શિક્ષક તરીકે પણ સેવા આપી છે.

અક્ષય કુમાર 
બોલિવૂડમાં ડેબ્યુ કરતા પહેલા બોલિવૂડ સુપરસ્ટાર અક્ષય કુમારે વિદેશમાં માર્શલ આર્ટની ટ્રેનિંગ લીધી હતી. જ્યારે તેની તાલીમ પૂર્ણ થઈ, તે તેના દેશમાં પાછો આવી ગયો. અહીં આવ્યા પછી, તેણે માર્શલ આર્ટ સ્કૂલ ખોલી અને અહીંના લોકોને તાલીમ આપવાનું શરૂ કર્યું.

અનુપમ ખેર 
બોલિવૂડના પીઢ અભિનેતા અનુપમ ખેર પોતાની એક્ટિંગ સ્કૂલ ચલાવે છે. તેમણે આ શાળા વર્ષ 2005માં ખોલી હતી. વરુણ ધવન, દીપિકા પાદુકોણ, અભિષેક બચ્ચન, કિયારા અડવાણી પણ આ સ્કૂલમાં એક્ટિંગ શીખ્યા છે.

સાન્યા મલ્હોત્રા
આ યાદીમાં બોલિવૂડની દંગલ ગર્લનું નામ પણ સામેલ છે. બોલિવૂડમાં પ્રવેશતા પહેલા સાન્યા ડાન્સ ટીચર હતી, જ્યાં તેણે બેલી ડાન્સ શીખવતી હતી.

 

 

 

 

View this post on Instagram

 

 

 

 

 

 

 

 

 

 

 

A post shared by SanyaM (@sanyamalhotra_)

ચંદ્રચૂડ સિંહ
એક સમયે બોલિવૂડનો ચોકલેટી બોય ગણાતો ચંદ્રચુડ સિંહ ભલે મોટા પડદા પરથી ગાયબ હોય, પરંતુ એક સમય એવો હતો જ્યારે ઈન્ડસ્ટ્રીમાં તેની ખૂબ માંગ હતી. એક્ટિંગમાં જોડાતા પહેલા ચંદ્રચુડ સિંહ દૂન સ્કૂલમાં બાળકોને સંગીત શીખવતો હતો.

નંદિતા દાસ 
નંદિતા દાસ ઈન્ડસ્ટ્રીનું મોટું નામ છે. અભિનયની સાથે તે એક સારી ડાયરેક્ટર પણ છે. એટલું જ નહીં, તેની એક સ્કૂલ પણ છે જ્યાં તે ભણાવે છે.