મનોરંજન / રામાયણનો દબદબો યથાવત, સતત 9માં દિવસે 'છાવા'ને પછાડી રચ્યો ઇતિહાસ

રણબીર કપૂર અને સઈ પલ્લવી અભિનીત ફિલ્મ 'રામાયણ' બોક્સ ઓફિસ પર જંગી કમાણી કરી રહી છે. ફિલ્મની ગતિ ધીમી પડવાના કોઈ સંકેત દેખાતા નથી; રિલીઝના 9મા દિવસે પણ તેણે શાનદાર પ્રદર્શન કર્યું છે અને એક નવો રેકોર્ડ સ્થાપિત કર્યો છે.

વિક્કી કૌશલની છાવાને પાછળ છોડી

નિતેશ તિવારી દ્વારા નિર્દેશિત 'રામાયણ' ફિલ્મે ભારતમાં તેની રિલીઝના 9મા દિવસની કમાણી સાથે વિકી કૌશલની 'છાવા'ની કુલ નેટ કમાણીના આંકડાને વટાવી દીધો છે. વર્ષ 2025ની સૌથી મોટી બ્લોકબસ્ટર ફિલ્મોમાંની એક ગણાતી 'છાવ્હા'એ ભારતમાં કુલ 601.57 કરોડ રુપિયાની નેટ કમાણી કરી હતી, જે આંકડાને હવે રણબીરની આ ફિલ્મે પાછળ છોડી દીધો છે.

9મા દિવસની બોક્સ ઓફિસ કમાણી

ટ્રેડ વેબસાઇટ 'સેકનિલ્ક' ના અહેવાલ મુજબ, 'રામાયણ' ફિલ્મે ભારતમાં તેની રિલીઝના 9મા દિવસે 47.85 કરોડ રુપિયાની નેટ કમાણી કરી છે. આ સાથે, ભારતમાં ફિલ્મની કુલ ચોખ્ખી કમાણી 612.45 કરોડ રુપિયા પર પહોંચી ગઈ છે, જ્યારે ભારતમાં તેનું ગ્રોસ કલેક્શન 732.20 કરોડ રુપિયા થયું છે.

વર્લ્ડ વાઇડ 1100 કરોડને પાર થઇ ફિલ્મ

આ ફિલ્મ દેશમાં અને વિદેશમાં, બંને જગ્યાએ મજબૂત પ્રભાવ પાડી રહી છે. 8 દિવસના વિસ્તૃત ઓપનિંગ સપ્તાહના અંતે '1,000 કરોડ ક્લબ'માં પ્રવેશ્યા બાદ, આ ફિલ્મે માત્ર નવ દિવસમાં જ વિશ્વભરમાં 1,100 કરોડ રૂપિયાનો આંકડો વટાવી દીધો છે. તેનું કુલ વૈશ્વિક કલેક્શન હવે 1,110.70 કરોડ રૂપિયા સુધી પહોંચી ગયું છે અને કમાણીમાં સતત વધારો થઈ રહ્યો છે.

અત્યાર સુધીની કમાણી (ભારતમાં નેટ કલેક્શન)

5 નવેમ્બરે સિનેમાઘરોમાં રિલીઝ થયેલી આ ફિલ્મે પહેલા જ દિવસથી બોક્સ ઓફિસ પર મજબૂત પકડ જાળવી રાખી છે.

• દિવસ 1: 64.85 કરોડ રુપિયા
• દિવસ 2: 48.05 કરોડ રુપિયા
• દિવસ 3: 69.80 કરોડ રુપિયા
• દિવસ 4 (દિવાળી): 56.15 કરોડ
• દિવસ 5: 107.50 કરોડ રુપિયા
• દિવસ 6: 94.10 કરોડ રુપિયા
• દિવસ 7(ભાઈ બીજ): 70.65 કરોડ રુપિયા
• દિવસ 8: 53.50 કરોડ રુપિયા
• દિવસ 9: 47.85 કરોડ રુપિયા

આ પણ વાંચોઃ 9 વર્ષની ઉંમરે કર્યું હતું ટીવી ડેબ્યૂ, હવે બિગ બોસમાં મચાવી રહી છે ધમાલ, જાણો કોણ છે આ Gen Z સ્ટાર!

જોકે નવમા દિવસે ફિલ્મની કમાણીમાં થોડો ઘટાડો જોવા મળ્યો છે, તેમ છતાં આ આંકડા ખરેખર પ્રભાવશાળી છે. ટ્રેડ વિશ્લેષકોને અપેક્ષા છે કે બીજા વીકએન્ડ દરમિયાન ફિલ્મની બોક્સ ઓફિસ કમાણીમાં ફરી એકવાર મોટો ઉછાળો આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ