બિઝનેસ / પૈસા તૈયાર રાખો... 19 નવેમ્બરે ખુલશે ₹120 કરોડનો આ દમદાર IPO

દિલ્હી સ્થિત મટિરિયલ હેન્ડલિંગ કંપની વાટરાના રેન્ટલ્સ 19 નવેમ્બરે ₹120 કરોડનો આઇપીઓ લઇને આવી રહી છે, જે 23 નવેમ્બર સુધી ખુલ્લો રહેશે. કંપનીએ ₹232-₹245 ની પ્રાઇસ બેન્ડ નક્કી કરી છે. આ આઇપીઓ રોકાણકારો માટે એક સારી તક બની શકે છે.

તમે આઇપીઓ બજારમાં નવી રોકાણ તકો શોધી રહ્યા છો તો તમારા પૈસા તૈયાર રાખો. દિલ્હી સ્થિત મટિરિયલ હેન્ડલિંગ ઇક્વિપમેન્ટ પ્રોવાઇડર વાટરાના રેન્ટલ્સ તેનો આઇપીઓ લોન્ચ કરી રહી છે. શુક્રવારે કંપનીએ તેના આગામી પબ્લિક ઇશ્યૂ માટે પ્રતિ શેર ₹232-₹245 ની પ્રાઇસ બેન્ડ નક્કી કરી છે.

આઇપીઓની બધી મહત્વપૂર્ણ વિગતો

કંપનીનો પબ્લિક ઇશ્યૂ સંપૂર્ણપણે 49.02 લાખ ઇક્વિટી શેરનો નવો ઇશ્યૂ છે, જેમાં કંપની ઉપલા પ્રાઇસ બેન્ડ પર ₹120 કરોડ એકત્ર કરવાની યોજના બનાવી રહી છે. શેર ફાળવણી (અપેક્ષિત): 25 નવેમ્બર, 2026

લિસ્ટિંગ તારીખ (અપેક્ષિત): 27 નવેમ્બર, 2026 (NSE ઇમર્જ પ્લેટફોર્મ પર)

આ પબ્લિક ઇશ્યૂનું સંચાલન કરવા માટે વનવ્યૂ કોર્પોરેટ એડવાઇજર્સને મર્ચન્ટ બેંકર તરીકે નિયુક્ત કરવામાં આવ્યા છે.

કંપની શું કરે છે અને IPO ભંડોળ ક્યાં ખર્ચવામાં આવશે?

સંજીવ કુમાર વાટરાના અને રાજીવ કુમાર વાટરાના દ્વારા પ્રમોટ કરાયેલ કંપની ફોર્કલિફ્ટ, રીચ ટ્રક અને પાવર્ડ પેલેટ ટ્રક સહિત ભાડાના મટિરિયલ હેન્ડલિંગ સાધનો પૂરા પાડે છે. તે નવા અને વપરાયેલા મટિરિયલ હેન્ડલિંગ સાધનો અને તેમા વપરાતી બેટરીનો પણ વેપાર કરે છે. તે ઓટોમોટિવ, ટાયર, બેવરેજેસ, ગ્લાસ, કાગળ, લોજિસ્ટિક્સ અને વેરહાઉસિંગ જેવા મુખ્ય ક્ષેત્રોમાં સેવા આપે છે.

કંપની નવા મટિરિયલ હેન્ડલિંગ સાધનો, એરિયલ વર્ક પ્લેટફોર્મ અને બેટરી ખરીદવા માટે એકત્ર કરાયેલા ભંડોળમાંથી ₹98.12 કરોડનો ઉપયોગ કરશે. બાકીની રકમનો ઉપયોગ સામાન્ય કોર્પોરેટ હેતુઓ માટે અને ઇશ્યૂ સંબંધિત ખર્ચાઓને પહોંચી વળવા માટે કરવામાં આવશે.

આ પણ વાંચોઃ બિઝનેસ / આ કંપનીએ 200% ડિવિડન્ડની કરી જાહેરાત, 19 નવેમ્બર રેકોર્ડ ડેટ

તાજેતરના વર્ષોમાં વાટરાના રેન્ટલ્સનું નાણાકીય પ્રદર્શન મજબૂત રહ્યું છે. જૂન 2026 માં પૂરા થયેલા ત્રણ મહિનાના સમયગાળા માટે કંપનીએ ₹7.68 કરોડનો નફો નોંધાવ્યો હતો, જ્યારે આ દરમિયાન ઓપરેટિંગ આવક ₹53.5 કરોડ હતી.

માર્ચ 2026 માં પૂરા થયેલા નાણાકીય વર્ષ માટે કંપનીનો ચોખ્ખો નફો પાછલા નાણાકીય વર્ષની તુલનામાં 19.3% વધીને ₹29.2 કરોડ થયો છે. આ દરમિયાન આવક 17.8% વધીને ₹211.4 કરોડ થઈ છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ