ફાયદો / BSNL નો ધમાકેદાર પ્લાન: સસ્તા રિચાર્જ પ્લાનમાં મળી રહ્યો છે ડેટા અને વધારાના દિવસોનો લાભ

દિવાળીના પર્વ નિમિત્તે સરકારી ટેલિકોમ કંપની દ્વારા પોતાના ગ્રાહકો માટે એક શાનદાર ભેટ રૂપે વિશેષ રજૂઆત કરવામાં આવી છે. કંપની દ્વારા લાંબી મુદતના 365 દિવસવાળા પ્રીપેડ પ્લાનમાં ગ્રાહકોને વધારાની મુદત આપીને કુલ 395 દિવસની વેલિડિટી પૂરી પાડવામાં આવી રહી છે.

જાહેર કરાયેલી વિગતો અનુસાર, સરકારી ટેલિકોમ કંપનીનો આ વિશેષ દીવાળી ઓફર પ્લાન 30 નવેમ્બર સુધી જ ઉપલબ્ધ રહેશે. કંપનીના 2,799 રૂપિયાવાળા પ્રીપેડ પ્લાનમાં આ વિશેષ લાભ આપવામાં આવી રહ્યો છે, જેના અંતર્ગત ગ્રાહકોને સમગ્ર દેશમાં કોઈપણ નેટવર્ક પર અનલિમિટેડ વોઈસ કોલિંગ અને રાષ્ટ્રીય રોમિંગની નિઃશુલ્ક સગવડ મળે છે. આ યોજનામાં ગ્રાહકોને દરરોજ 3GB હાઈ-સ્પીડ ડેટા અને દરરોજ 100 ફ્રી SMS ની સુવિધા પણ પ્રાપ્ત થાય છે.

આ ઉપરાંત, કંપની પાસે 2,399 રૂપિયાનો વાર્ષિક પ્લાન પણ ઉપલબ્ધ છે, જેમાં નિયમિત 365 દિવસની વેલિડિટી મળે છે. આ પ્લાનમાં દેશભરમાં અનલિમિટેડ કોલિંગ, ફ્રી નેશનલ રોમિંગ, દરરોજ 100 ફ્રી SMS અને દરરોજ 2GB હાઈ-સ્પીડ ડેટા એટલે કે કુલ 730GB ડેટાનો લાભ પૂરો પાડવામાં આવે છે.

આ પણ વાંચોઃ શેરબજાર / દિવાળી પર કલાકનું થશે મુહૂર્ત ટ્રેડિંગ, પૈસાનો વરસાદ કરી આપતાં આ 10 શેર ખરીદી લેજો!

આ પહેલાં કંપનીએ પોતાના 2,449 રૂપિયાવાળા વાર્ષિક પ્લાનની વેલિડિટીમાં પણ 15 દિવસનો વધારો કર્યો હતો. આ યોજના હેઠળ ગ્રાહકોને સમગ્ર ભારતમાં ફ્રી અનલિમિટેડ કોલિંગની સાથે ઇન્ટરનેશનલ રોમિંગનો લાભ પણ મળે છે. આ પ્લાન દરરોજ 2GB હાઈ-સ્પીડ ડેટા (કુલ 730GB ડેટા) અને દરરોજ 100 ફ્રી SMS ની સુવિધા સાથે આવે છે. આ વિશેષ પ્લાન દ્વારા નંબર રિચાર્જ કરાવવા પર ગ્રાહકોને 1 લાખ રૂપિયાનું વ્યક્તિગત અકસ્માત વીમા કવચ તેમજ 10,000 રૂપિયાનું સાયબર વીમા કવચ પણ મફત આપવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ