મનોરંજન / ''જેને જે બોલવું હોય તે બોલે...'', કોન્સર્ટ કેન્સલ થયાની અફવા પર ભડક્યો દિલજીત દોસાંઝ

ઇન્દોરમાં યોજાનારા દિલજીત દોસાંજના સંગીત કાર્યક્રમ અંગે રદ થવાની ચાલી રહેલી અફવાઓ પર આખરે ગાયકે મૌન તોડ્યું છે. સોશિયલ મીડિયા પર ચાલી રહેલા દાવાઓને સખત શબ્દોમાં ફગાવી દેતાં તેમણે સ્પષ્ટ કર્યું છે કે તેઓ 15 નવેમ્બર 2026ના રોજ નિર્ધારિત કાર્યક્રમમાં અચૂક હાજરી આપશે.

ભારત પ્રવાસ અંતર્ગત 30 ઓક્ટોબરથી દિલ્હીથી પોતાના વિશેષ સંગીત પ્રવાસની શરૂઆત કરનારા દિલજીતે ફેન્સને અફવાઓથી દૂર રહેવાની અપીલ કરી છે. તેમણે જણાવ્યું કે તેઓ 15 તારીખે 101 ટકા ઇન્દોર પહોંચશે અને કાર્યક્રમ પહેલાં શહેરની પ્રખ્યાત વાનગી પોહાનો આસ્વાદ માણીને પૂર્ણ ઊર્જા સાથે મંચ પર પ્રસ્તુતિ આપશે. ફેન્સને ભરોસો આપતાં તેમણે ઉમેર્યું કે તેઓ આ કાર્યક્રમ માટે ખૂબ જ ઉત્સુક છે અને કોઈપણ વાતથી પાછળ હટવાના નથી.

આ વિવાદ પાછળનું કારણ મહિલા અને બાળ વિકાસ વિભાગ દ્વારા જારી કરાયેલી સૂચના છે. આયોજકો અને સ્થળ પ્રબંધકોને પંજાબ અને હરિયાણા ઉચ્ચ ન્યાયાલયના નિર્દેશોનું પાલન કરવાની સૂચના આપવામાં આવી છે. નશાકારક પદાર્થો, શસ્ત્રો કે હિંસાને પ્રોત્સાહન આપતાં ગીતો પર ખાસ ધ્યાન રાખવા જણાવાયું છે, જેથી બાળકો પર તેની નકારાત્મક અસર ન પડે. 15 નવેમ્બરે ટ્વેન્ટી વન બિઝનેસ પાર્ક ખાતે આ આયોજન પ્રસ્તાવિત છે. દિલ્હીના જવાહરલાલ નેહરુ સ્ટેડિયમમાં યોજાયેલા કાર્યક્રમમાં તેમણે પોતાના ચર્ચિત ગીતો રજૂ કર્યા હતા.

આ પણ વાંચોઃ સુપ્રીમ કોર્ટનો મોટો નિર્ણય, 48 કલાકથી વધુ કસ્ટડીમાં સરકારી કર્મચારી આપોઆપ સસ્પેન્ડ!

દિલજીતની ફિલ્મી કારકિર્દી અંગે વાત કરીએ તો તેઓ છેલ્લે 'સતલુજ' નામની ફિલ્મમાં જોવા મળ્યા હતા. અનેક વિવાદો બાદ આ ફિલ્મને સિનેમાઘરોને બદલે સીધી ઓટીટી માધ્યમ પર મુક્ત કરવામાં આવી હતી, પરંતુ બાદમાં કેટલાક દ્રશ્યો સામે વિરોધ થતાં તેને ડિજિટલ પ્લેટફોર્મ પરથી પણ હટાવી લેવામાં આવી હતી. હવે તેઓ આગામી સમયમાં પંજાબી ચલચિત્ર 'રન્ના ચ ધન્ના'માં મુખ્ય ભૂમિકામાં નજરે પડશે, જેમાં તેમની સાથે શહનાઝ ગિલ અને સોનમ બાજવા પણ મહત્વના પાત્રોમાં જોવા મળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ