ક્રિકેટ / અંડર-19 એશિયા કપમાં સેહવાગના પુત્રે ફટકારી ધમાકેદાર દોઢી સદી, ભારત પહોંચ્યું સેમી ફાઈનલમાં

દિગ્ગજ બેટ્સમેન વીરેન્દ્ર સેહવાગના પુત્ર આર્યવીર સેહવાગે મંગળવારે મેદાન પર પોતાના પિતાને આપેલું વચન પૂરું કર્યું. અંડર-19 એશિયા કપની કરો યા મરો મેચમાં આર્યવીરે સંયુક્ત આરબ અમીરાત (UAE) સામે 160 રનની શાનદાર ઇનિંગ રમી. આર્યવીરે 168 બોલમાં 160 રન બનાવ્યા. તેની ઇનિંગમાં 17 ચોગ્ગા અને 7 છગ્ગાનો સમાવેશ થતો હતો.

ભારત સેમીફાઈનલમાં પહોંચ્યું

આર્યવીરની સદીના કારણે ભારત 70 રનથી જીત્યું અને ટૂર્નામેન્ટની સેમિફાઇનલમાં સ્થાન મેળવ્યું હતું.

પિતાને આપેલું વચન પાળ્યું

નોંધપાત્ર વાત એ છે કે, આ ઇનિંગ રમતા પહેલા તેણે તેના પિતા વીરેન્દ્ર સેહવાગને વચન આપ્યું હતું કે તે એક મોટી સદી ફટકારશે. મેચ પછી તેણે પોતે આ વાતનો ખુલાસો કર્યો. આર્યવીરે કહ્યું, "હું મોટો સ્કોર કરવા માંગતો હતો. મેં કોઈને વચન આપ્યું હતું કે હું આજે મોટો સ્કોર કરીશ, અને મને ખુશી છે કે મેં તે કર્યું. તે વ્યક્તિ મારા પિતા (વીરેન્દ્ર સેહવાગ) છે. મેં તેમને કહ્યું હતું કે હું મોટી સદી ફટકારીશ. હું તેમનો વારસો આગળ વધારવા માંગુ છું, કારણ કે તેમને ફક્ત મોટી સદીઓ જ પસંદ હતી.

આ પણ વાંચો : વડોદરામાં કારમાં CNG સિલિન્ડર ફાટતાં ભયાનક બ્લાસ્ટ, 5થી વધુ લોકો દાઝ્યા, આસપાસની બારીઓના કાચ પણ તૂટ્યા!

ભારતે 309 રનનો સ્કોર બનાવ્યો

આર્યવીરના 160 રનના દમ પર ભારતે નિર્ધારિત ઓવરોમાં 5 વિકેટે 309 રન બનાવ્યા. ભારતીય કેપ્ટન લક્ષ્ય રાયચંદાનીએ પિચને ધ્યાનમાં રાખીને આ સ્કોર સારો ગણાવ્યો. તેમણે કહ્યું કે બેટ્સમેનોએ સારી ભાગીદારી અને સમજદાર અભિગમ સાથે રન બનાવ્યા. સ્પિનરોએ પાછળની ઓવરોમાં કેટલાક પડકારો ઉભા કર્યા, પરંતુ ટીમ સારો સ્કોર બનાવવામાં સફળ રહી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ