ક્રાઈમ / દિવાળીના દિવસે વડોદરામાં બે જૂથો વચ્ચે ધીંગાણું, લાકડી-દંડા લઈને તૂટી પડ્યાં, ઘણા ઘાયલ

વડોદરાના ડભોઇના વડજ ગામમાં બે જૂથો વચ્ચે સર્જાયું ધીંગાણું થયું હતું. અંગત અદાવત રાખી બંને જૂથો વચ્ચે અથડામણ થઈ હતી. જૂથ અથડામણમાં 2 થી વધુ લોકો થયા ઇજાગ્રસ્ત થયા હતા. લાકડી અને દંડા સાથે બંને જૂથો સામસામે ઘસી આવ્યા હતા. શિનોર ડભોઇ અને ચાંદોદ પોલીસ ના કાફલો વડજ પહોંચ્યો હતો.

દાહોદમાં પણ ધીંગાણું

દાહોદ જિલ્લાના લીમખેડા તાલુકાના દુધિયા ગામે પૈસાની લેતી-દેતીના મુદ્દે બે જૂથો વચ્ચે થયેલી અથડામણના કેસમાં લીમખેડા પોલીસે ચાર આરોપીઓની ધરપકડ કરી છે. બંને જૂથો વચ્ચે થયેલા પથ્થરમારા અને લાકડીઓ વડે મારામારીમાં એક યુવક ગંભીર રીતે ઇજાગ્રસ્ત થયો હતો. આ બનાવને પગલે ગામમાં અફરાતફરી અને તંગદિલીનો માહોલ સર્જાયો હતો. દિવાળીની મોડી રાતે પૈસાની લેતી-દેતીના મુદ્દે બે જૂથો વચ્ચે બોલાચાલી થઈ હતી. જોતજોતામાં આ બોલાચાલી ઉગ્ર બનતાં બંને પક્ષના લોકો સામસામે આવી ગયા હતા. ત્યારબાદ બંને જૂથો વચ્ચે પથ્થરમારો શરૂ થયો હતો અને લાકડીઓ વડે મારામારી થતાં મામલો વધુ બિચક્યો હતો. લીમખેડા પોલીસે આ મામલે 4 આરોપીઓની ધરપકડ કરી છે.

સજેલીમાં કંરબા ગામે બે પક્ષો વચ્ચે ધીગાણું

સજેલીમાં કંરબા ગામે બે પક્ષો વચ્ચે ધીગાણું થયું હતું. ત્રણ માસ પહેલા થયેલા અકસ્માતમાં પગલે બબાલ થઈ હતી. આ ઘટનાની જાણકારી મળતાં પોલીસ અધિકારીઓનો કાફલો ઘટનાસ્થળે પહોંચ્યો હતો અને 35થી વધુ લોકોની અટકાયત કરી હતી.

શું હતો આખો બનાવ?

10 જુલાઈ, 2026ના રોજ એક ગંભીર અકસ્માતમાં ઈશ્વર કીડીયાના પુત્રનું મોત થયું હતું. આ ઘટનાને લઈને મૃતકના પરિવારજનો અને શૈલેષ ચારેલના પરિવાર વચ્ચે અદાવત ચાલી રહી હતી. આ જૂના વિવાદનું સમાધાન નહીં આવતાં ફરીથી બંને પક્ષો વચ્ચે તણાવ ઊભો થયો હતો.

આ પણ વાંચો : વડોદરામાં કારમાં CNG સિલિન્ડર ફાટતાં ભયાનક બ્લાસ્ટ, 5થી વધુ લોકો દાઝ્યા, આસપાસની બારીઓના કાચ પણ તૂટ્યા!

યુવકને છોડાવવા આવેલા પોલીસ પર પથ્થરમારો

અગાઉના અકસ્માતના કેસમાં સમાધાન થયું નથી ત્યાં સુધી પોલીસ અહીં ન આવે તેવી વાત કરી ટોળાએ વિરોધ નોંધાવ્યો હતો. ત્યારબાદ 112ની સરકારી ગાડી પર પથ્થરમારો કરવામાં આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ