VIDEO / ગોંડલ ચોકડી બ્રિજ બન્યાના 2 વર્ષમાં જ તિરાડો, બ્રિજનો કેટલોક ભાગ તોડવાની કામગીરી શરૂ

રાજકોટમાં ફરી એકવાર બ્રિજના બાંધકામની ગુણવત્તા સામે સવાલો ઊભા થયા છે. શહેરના ગોંડલ ચોકડી વિસ્તારમાં આવેલા બ્રિજને બન્યાને હજુ માંડ બે વર્ષ જેટલો સમય થયો છે, ત્યાં જ બ્રિજમાં તિરાડો જોવા મળતા તંત્રની કામગીરી સામે અનેક પ્રશ્નો ઊભા થયા છે.

મળતી માહિતી મુજબ, રાજકોટના સૌથી લાંબા બ્રિજ પૈકીના એક ગણાતા ગોંડલ ચોકડી બ્રિજમાં તિરાડો પડતાં તકેદારીના ભાગરૂપે બ્રિજના કેટલાક ભાગને તોડવાની કામગીરી શરૂ કરવામાં આવી છે. નવા બનેલા બ્રિજમાં આટલા ટૂંકા ગાળામાં તિરાડો પડવી એ બાંધકામની ગુણવત્તા અને ઉપયોગમાં લેવાયેલી સામગ્રી અંગે તપાસની જરૂરિયાત ઊભી કરે છે.

બ્રિજના નિર્માણ પાછળ કરોડો રૂપિયાનો ખર્ચ કરવામાં આવ્યો હોવા છતાં જો બે વર્ષમાં જ સમારકામ કે તોડફોડ કરવાની નોબત આવે તો જવાબદારી કોની? બાંધકામ દરમિયાન ગુણવત્તાના માપદંડોનું યોગ્ય પાલન કરવામાં આવ્યું હતું કે નહીં, તે પણ તપાસનો વિષય બન્યો છે.

આ પણ વાંચોઃ ભાડજના હરે કૃષ્ણ મંદિરમાં ભવ્ય ગોવર્ધન પૂજા અને અન્નકૂટ મહોત્સવની ઉજવણી, 1008થી વધુ વાનગીઓ ધરાવાઈ

હાલમાં બ્રિજના અસરગ્રસ્ત ભાગને તોડવાની કામગીરી શરૂ થતાં સ્થાનિકોમાં પણ ચર્ચા જાગી છે. સમગ્ર મામલે સંબંધિત તંત્ર દ્વારા બ્રિજની ટેક્નિકલ તપાસ કરવામાં આવે અને બાંધકામમાં કોઈ ખામી કે બેદરકારી રહી હોય તો જવાબદારો સામે કાર્યવાહી કરવામાં આવે તેવી માગ ઊઠી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ