સ્પોર્ટ્સ / IPL 2027 મેગા ટ્રેડમાં 10 ખેલાડીઓની ટીમ બદલાઈ, જાણો કયા ખેલાડી પર કેટલા કરોડનો દાવ લાગ્યો!

IPL 2027ની હરાજી પહેલાં જ, તેમાં ભાગ લેનારી ટીમોમાં નોંધપાત્ર ફેરફારો થઈ રહ્યા છે. અત્યાર સુધીમાં ચાર ઓફિશિયલ 'ટ્રેડ ડીલ' પૂર્ણ થઈ છે, જેમાં કુલ 10 દિગ્ગજ ખેલાડીઓ સામેલ છે. આ ખેલાડીઓએ પોતાની જૂની ફ્રેન્ચાઈઝી છોડીને નવી ટીમોમાં જોડાવાનો નિર્ણય લીધો છે. આ 'ટ્રેડ વિન્ડો' દરમિયાન અનુભવી કેપ્ટનોથી લઈને ઘાતક બોલરો સુધીના અનેક ખેલાડીઓએ પોતાની ટીમો બદલી છે. IPL 2027 માટેનો પ્રથમ ટ્રેડ 23 જૂનના રોજ દિલ્હી અને લખનઉ વચ્ચે થયો હતો.

રિષભ પંત આખરે પોતાની જૂની ફ્રેન્ચાઈઝી, દિલ્હી કેપિટલ્સમાં (15 કરોડ રુપિયામાં) પરત ફર્યા છે. તેના બદલામાં, દિલ્હીએ તેમના સ્ટાર 'ચાઈનામેન' સ્પિનર ​​કુલદીપ યાદવને (13.50 કરોડ રુપિયામાં) લખનઉ સુપર જાયન્ટ્સને ટ્રેડ કર્યા છે.

ત્યારબાદ, 14 ઓક્ટોબરે દિલ્હીની ટીમે વધુ એક મોટો ટ્રેડ (ખેલાડીઓની અદલાબદલી) કર્યો. સનરાઈઝર્સ હૈદરાબાદે તેમના લેગ-સ્પિનર ​​ઝીશાન અન્સારી (જેનું મૂલ્ય 40 લાખ રુપિયા છે) ને દિલ્હી કેપિટલ્સમાં મોકલી આપ્યા, જ્યારે ભારતના અનુભવી યોર્કર સ્પેશિયાલિસ્ટ ટી. નટરાજન (જેનું મૂલ્ય 5 કરોડ રુપિયા છે) દિલ્હીથી હૈદરાબાદ ગયા છે અને હવે તેઓ હૈદરાબાદ માટે રમતા જોવા મળશે.

The trade confirmation you have been waiting for is HERE! Two marquee #TeamIndia stars, two franchise and a blockbuster trade 🎇 Hardik Pandya heads to @PunjabKingsIPL and Arshdeep Singh moves to @mipaltan. 📌 Hardik will join #PBKS at a revised fee of INR 18 crore, up from 16.5 crores. 📌 Arshdeep will join #MI at his existing fee of INR 18 crore Details ▶️ https://t.co/i4RpaGg2BE #TATAIPL2027

— IndianPremierLeague (@IPL) November 11, 2026

5 નવેમ્બરના રોજ, ચેન્નાઈ સુપર કિંગ્સ અને સનરાઈઝર્સ હૈદરાબાદ વચ્ચે ચાર ખેલાડીઓને સાંકળતી એક મોટી અદલાબદલી (એક્સચેન્જ) થઈ. ઈંગ્લેન્ડના શક્તિશાળી ઓલરાઉન્ડર લિયામ લિવિંગસ્ટોન (6 કરોડ રુપિયા) અને ઓસ્ટ્રેલિયન ઓલરાઉન્ડર જેક એડવર્ડ્સ (3 કરોડ રુપિયા) હવે ચેન્નાઈ સુપર કિંગ્સમાં જોડાઈ ગયા છે. બીજી તરફ, ભારતીય ઝડપી બોલર ખલીલ અહેમદ (4.8 કરોડ રુપિયા) અને ઓસ્ટ્રેલિયન ઝડપી બોલર નાથન એલિસ (2 કરોડ રુપિયા) હવે તેમની નવી ટીમ, સનરાઈઝર્સ હૈદરાબાદ માટે રમતા જોવા મળશે.

સનરાઈઝર્સ હૈદરાબાદે તેમના લેગ-સ્પિનર ​​ઝીશાન અન્સારી (40 લાખ રુપિયા)ને દિલ્હી કેપિટલ્સ સાથે ટ્રેડ કર્યો છે, જ્યારે અનુભવી ભારતીય યોર્કર સ્પેશિયાલિસ્ટ ટી. નટરાજન (5 કરોડ રુપિયા) હવે હૈદરાબાદ માટે રમતા જોવા મળશે.

આ પણ વાંચોઃ ક્રિકેટર અર્શદીપ સિંહે અભિનેત્રી સમરીન કૌર સાથે કરી સગાઈ: સમુદ્ર કિનારે ઘૂંટણભેર બેસીને કર્યું રોમેન્ટિક પ્રપોઝ

દરમિયાન, 11 નવેમ્બરે પંજાબ કિંગ્સ અને મુંબઈ ઈન્ડિયન્સ વચ્ચે એક અન્ય મોટો ટ્રેડ (ખેલાડીઓની અદલાબદલી) થયો, જે IPLના ઈતિહાસનો સૌથી મોટો સોદો બની રહ્યો છે. મુંબઈના કેપ્ટન હાર્દિક પંડ્યા (18 કરોડ રૂપિયા) હવે પંજાબ કિંગ્સની જર્સીમાં રમતા જોવા મળશે, જ્યારે પંજાબના સ્ટાર ફાસ્ટ બોલર અર્શદીપ સિંહ (18 કરોડ રૂપિયા) મુંબઈ ઈન્ડિયન્સની ટીમનો ભાગ બન્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ