મુંબઈ / કોણ છે દહેશતગર્દો! અમિતાભ બચ્ચનના બંગલાને બોમ્બથી ઉડાવી દેવાની ધમકી, પોલીસમાં દોડધામ

બોલિવૂડ મેગાસ્ટાર અમિતાભ બચ્ચનનો જુહુ સ્થિત બંગલો 'જલસા', તથા મુંબઈની મેયર ઓફિસની બોમ્બથી ઉડાવી દેવાની ધમકી મળી છે. આ ધમકી મેઈલ પર આવી હતી. ઉલ્લેખનીય છે કે બોમ્બે હાઈકોર્ટ, બોમ્બે સ્ટોક એક્સચેન્જ અને વર્લી રેસકોર્સ સહિતના અતિ-સંવેદનશીલ અને હાઈ-પ્રોફાઈલ સ્થળોને બોમ્બથી ઉડાવી દેવાની ચેતવણી આપવામાં આવી હતી.

ધમકી મળતા જ મુંબઈ પોલીસ હાઈઍલર્ટ

આ ધમકીભર્યો ઈમેલ બોમ્બે હાઈકોર્ટને મળ્યો હતો, જેમાં આ તમામ મહત્વપૂર્ણ સ્થળો પર શ્રેણીબદ્ધ વિસ્ફોટ કરવાનો દાવો કરવામાં આવ્યો છે. આ ઈમેલ સામે આવતાં જ મુંબઈ પોલીસે તાત્કાલિક સમગ્ર શહેરમાં હાઈ એલર્ટ જાહેર કરી દીધું છે અને તમામ સુરક્ષા એજન્સીઓને સતર્ક કરી દેવામાં આવી છે. પોલીસ હાલ આ ઈમેલ મોકલનાર અજાણ્યા શખ્સનું લોકેશન અને આઈપી એડ્રેસ ટ્રેસ કરવા માટે સઘન તપાસ કરી રહી છે.

વધુ વાંચો : સાક્ષાત લક્ષ્મીનું આગમન! દીકરીના જન્મના બીજા જ દિવસે સુથારને લાગી 1.5 કરોડની લોટરી, નામ રાખ્યું 'બરકત'

અમિતાભ બચ્ચનને 3જી વાર મળી ધમકી

બિગ બી અમિતાભ બચ્ચન સામે ધમકીનો આ પહેલો કિસ્સો નથી. અગાઉ 22 ઓક્ટોબરના રોજ શહેરની એક શાળાને મોકલવામાં આવેલા ધમકીભર્યા ઈમેલમાં પણ આ વરિષ્ઠ અભિનેતાનું નામ લેવામાં આવ્યું હતું. ત્યાર બાદ પાંચ દિવસ પહેલા બીજી વાર અને આજે ત્રીજી વાર એમ તેમને 3 વાર ધમકી મળી હતી. અમિતાભ બચ્ચનની દર રવિવારે ઘરની બહાર ચાહકોને મળવાની પરંપરાગત રીતમાં મોટો ફેરફાર જોવા મળ્યો હતો. બચ્ચન પોતાના પુત્ર અભિષેક બચ્ચન સાથે બુલેટપ્રૂફ/પ્રોટેક્ટિવ ગ્લાસ શિલ્ડની પાછળ ઊભા રહીને ચાહકોનું અભિવાદન ઝીલતા નજરે પડ્યા હતા. આ દ્રશ્ય સામે આવ્યા બાદ ‘ઓલ ઈન્ડિયન સિને વર્કર્સ એસોસિએશન’એ વડાપ્રધાન નરેન્દ્ર મોદીને પત્ર લખીને હસ્તક્ષેપ કરવાની માગણી કરી હતી અને બોલિવૂડ સિતારાઓ તેમજ તેમના પરિવારોની સુરક્ષા અંગે ચિંતા વ્યક્ત કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ