હૃદયદ્રાવક / સુરતમાં કન્સ્ટ્રક્શન સાઈટના બીજા માળેથી પટકાતા 2 વર્ષીય બાળકીનું મો*ત, માતા-પિતા માટે લાલબત્તી સમાન કિસ્સો!

સુરત શહેરમાં એક હૃદયદ્રાવક ઘટના સામે આવી છે. ભેસ્તાન વિસ્તારમાં બાંધકામની સાઇટ પર રમતી બે વર્ષની માસૂમ બાળકી બીજા માળેથી નીચે પટકાતાં તેનું કરુણ મોત નીપજ્યું છે. આ ઘટનાને પગલે શ્રમિક પરિવારમાં શોકનો માહોલ છવાઈ ગયો છે.

સુરતના ભેસ્તાન આવાસ પાસે આવેલી સાઈ પવિત્ર રેસિડેન્સીની કન્સ્ટ્રક્શન સાઇટ પર આ દુર્ઘટના બની હતી. જેમાં મૂળ મધ્યપ્રદેશના રહેવાસી પવાર પરિવાર રોજગારીની શોધમાં માત્ર દસ દિવસ પહેલાં જ સુરત આવ્યો હતો. પરિવારના માતા-પિતા બાંધકામ સાઇટ પર કડિયાકામ કરીને ગુજરાન ચલાવતા હતા.

ઘટનાના દિવસે માતા-પિતા પોતાના કામમાં વ્યસ્ત હતા જ્યારે તેમની બે વર્ષની પુત્રી રક્ષા પવાર બાંધકામ સાઇટના બીજા માળે રમી રહી હતી. આ દરમિયાન રમતાં-રમતાં બાળકી અચાનક બીજા માળેથી નીચે પટકાઈ હતી. અચાનક બનેલી આ ઘટનાથી આસપાસના લોકોમાં દોડધામ મચી ગઈ હતી.

વધુ વાંચો : રામાપીરની બીજ ભરવા જતા પદયાત્રીઓને મીની ટ્રકે અડફેટે લીધા, દેસાઇ પરિવારના બે યુવકના મો*ત, ચાર ઘાયલ!

આ ઘટના બાદ બાળકીને તાત્કાલિક સારવાર માટે હોસ્પિટલ ખસેડવામાં આવી હતી. જોકે હોસ્પિટલમાં ટૂંકી સારવાર બાદ માસૂમ રક્ષાએ દમ તોડી દીધો હતો. માત્ર બે વર્ષની ઉંમરે બાળકીનું મોત થતાં પરિવાર પર આભ તૂટી પડ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ