Accident / રામાપીરની બીજ ભરવા જતા પદયાત્રીઓને મીની ટ્રકે અડફેટે લીધા, દેસાઇ પરિવારના બે યુવકના મો*ત, ચાર ઘાયલ!

પાટણ જિલ્લામાં મોડી રાત્રે એક ગમખ્વાર હિટ એન્ડ રનની ઘટના સામે આવી છે. સરસ્વતી તાલુકાના જંગરાલ નજીક રામાપીરની બીજ ભરવા માટે પદયાત્રા કરી રહેલા શ્રદ્ધાળુઓને એક મીની ટ્રકે અડફેટે લેતાં 2 લોકોનાં ઘટનાસ્થળે જ કરુણ મોત નીપજ્યાં હતાં. જ્યારે બીજા ચાર પદયાત્રીઓ ઈજાગ્રસ્ત થતાં તેમને સારવાર માટે હોસ્પિટલ ખસેડવામાં આવ્યા હતા. આ અકસ્માતને પગલે સમગ્ર વિસ્તારમાં અરેરાટી ફેલાઈ ગઈ છે.

View this post on Instagram

A post shared by Sambhaav Nascent LLP (@vtv_gujarati_news)

મળતી માહિતી મુજબ, રામાપીરની બીજ નિમિત્તે શ્રદ્ધાળુઓ પગપાળા યાત્રા કરીને દર્શન માટે જઈ રહ્યા હતા. દરમિયાન મોડી રાત્રે સરસ્વતી તાલુકાના જંગરાલ નજીક પૂરઝડપે આવી રહેલી મીની ટ્રકે પદયાત્રીઓને અડફેટે લીધા હતા. અકસ્માત એટલો ગંભીર હતો કે બે પદયાત્રીઓએ ઘટનાસ્થળે જ જીવ ગુમાવ્યો હતો. જ્યારે બીજા ચાર લોકો ગંભીર રીતે ઈજાગ્રસ્ત થયા હતા.

આ દુર્ઘટનામાં મૃતક તરીકે દેસાઈ તુષાર અને દેસાઈ વિરમભાઈની ઓળખ થઈ હોવાનું જાણવા મળ્યું છે. બંનેના ઘટનાસ્થળે જ મોત થતાં પરિવારજનો પર દુઃખનો પહાડ તૂટી પડ્યો છે. ખાસ કરીને એક જ પરિવારના બે સભ્યોનાં મોત થતાં પરિવારજનોમાં શોકનો માહોલ છવાઈ ગયો છે.

વધુ વાંચો :દિયર સાથે અનૈતિક સંબધની જાણ થતાં પત્નિએ પતિને જ પતાવી દીધો, અંતે બંને ઝડપાયા

બીજી તરફ અકસ્માતમાં ઘાયલ થયેલા ચાર પદયાત્રીઓને તરત જ સારવાર માટે હોસ્પિટલમાં લઈ જવામાં આવ્યા હતા. અહીંયા મીની ટ્રકની અડફેટે પદયાત્રીઓ આવી જતાં યાત્રામાં પણ અફરાતફરીનો માહોલ સર્જાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ