ચેતો / સોશિયલ મીડિયા પર ચલણી નોટોનું બંડલ દેખાડ્યું, બાળકનું અપહરણ કરીને હત્યા કરી, 50 લાખની ખંડણી માંગી

યુપીના મિર્ઝાપુરના સેમરી ગામના રહેવાસી કેશવ બિંદે દિવાળી પહેલા ૮૦ લાખ રૂપિયાની જમીન વેચી દીધી હતી. તેણે સોશિયલ મીડિયા પર ચલણી નોટોનું બંડલ હાથમાં રાખતો પોતાનો એક વીડિયો પોસ્ટ કર્યો હતો, જે તેના નજીકના મિત્રએ જોયો હતો. બીજા દિવસે, કેશવના ૧૨ વર્ષના પુત્ર પ્રિન્સનું અપહરણ કરવામાં આવ્યું હતું અને વોટ્સએપ કોલ દ્વારા ૫૦ લાખ રૂપિયાની માંગણી કરવામાં આવી હતી.

બાળકની કરી હત્યા

કેશવે પોલીસને જાણ કરી. બાળકને સુરક્ષિત રીતે બહાર કાઢવા માટે પોલીસ અધિક્ષકે તાત્કાલિક ત્રણ ટીમો બનાવી. આરોપીએ ફો કરી દીધો, જેના કારણે પોલીસને મુશ્કેલીનો સામનો કરવો પડ્યો. સીસીટીવી ફૂટેજ અને છેલ્લા ટાવર લોકેશનનો ઉપયોગ કરીને, પોલીસ આરોપી સુધી પહોંચી. પોલીસને જોતા જ આરોપીએ ગોળીબાર કર્યો. પોલીસે પણ ગોળીબાર કર્યો, જેમાં આરોપીના બંને પગમાં ગોળીઓ વાગી. પૂછપરછ દરમિયાન, આરોપીએ જણાવ્યું કે તેણે થોડીવાર પહેલા જ બાળકની હત્યા કરી હતી. બધું પૂરું થઈ ગયું.

આ પણ વાંચોઃ H-1B ધારકોને પરેશાન કરવા અમેરિકાને ભારે પડશે! 'ઈન્ડિયાસ્પોરા'ની ખુલ્લી ચેતવણી

સોશિયલ મીડિયામાં દેખાડા ભારે પડ્યાં

પોલીસે બાળકનો મૃતદેહ કબજે કરી લીધો છે અને તેને પોસ્ટમોર્ટમ માટે મોકલી દીધો છે. હવે, બાળકના માતા-પિતા પસ્તાવો કરી રહ્યા છે. પોલીસે આ કેસમાં ખૂબ જ ઝડપથી કાર્યવાહી કરી, તેથી દોષ પોલીસનો નથી; દોષ તે માતાપિતાનો છે, જેઓ સોશિયલ મીડિયા પર ચલણી નોટોના બંડલ પોસ્ટ કરીને ધનવાન હોવાનો દાવો કરી રહ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ