ભાગ્યશાળી / સાક્ષાત લક્ષ્મીનું આગમન! દીકરીના જન્મના બીજા જ દિવસે સુથારને લાગી 1.5 કરોડની લોટરી, નામ રાખ્યું 'બરકત'

જ્યારે પંજાબના 24 વર્ષીય સુથાર યુદ્ધવીર સિંહના ઘેર દીકરીનો જન્મ થયો ત્યારે ઘણા સંબંધીઓએ તેમને કહ્યું, 'અમને એક છોકરો જોઈતો હતો'. તેમને ખબર નહોતી કે નવજાત બાળકીના જન્મ સાથે પરિવારનું જીવન બદલાઈ જશે. તેના જન્મના એક દિવસ પછી, યુદ્ધવીર સિંહને 1.5 કરોડની લોટરી લાગી હતી.

દીકરીના જન્મના બીજા જ દિવસે લાગી લોટરી

પંજાબના માનસા જિલ્લાના બરેટા શહેરમાં રહેતા સિંઘે પંજાબ સ્ટેટ ડિયર 200 મંથલી લોટરીમાં પ્રથમ ઇનામ જીત્યું. તેમની પુત્રીનો જન્મ 6 નવેમ્બરના રોજ થયો હતો, જ્યારે વિજેતા પરિણામો 7 નવેમ્બરના રોજ જાહેર કરવામાં આવ્યા હતા. અણધારી જીત પછી તેમણે તેનું નામ બરકત, જેનો અર્થ સમૃદ્ધિ થાય છે, રાખવાનું નક્કી કર્યું. પંજાબના માનસા જિલ્લાના બરેટા શહેરમાં રહેતા સિંઘે પંજાબ સ્ટેટ ડિયર 200 મંથલી લોટરીમાં પ્રથમ ઇનામ જીત્યું. તેમની પુત્રીનો જન્મ 6 નવેમ્બરના રોજ થયો હતો, જ્યારે વિજેતા પરિણામો 7 નવેમ્બરના રોજ જાહેર કરવામાં આવ્યા હતા. અણધારી જીત પછી તેમણે તેનું નામ બરકત, જેનો અર્થ સમૃદ્ધિ થાય છે, રાખવાનું નક્કી કર્યું. સિંહે 4 નવેમ્બરના રોજ બુધલાડાના લોટરી સ્ટોલ પરથી વિજેતા ટિકિટ ખરીદી હતી, જ્યારે તે તેની ગર્ભવતી પત્ની હરમન સાથે માનસાની એક હોસ્પિટલમાં હતો.

મોબાઈલ નંબર પોર્ટ કરાવતી વખતે ખરીદી લોટરીની ટીકિટ

લોટરીની ટીકિટ લેવાનો તેનો વિચાર નહોતો પરંતુ તે પોતાનો મોબાઇલ ફોન નંબર પોર્ટ કરાવતી વખતે સ્ટોલ પર રોકાઈ ગયો હતો અને રાજ્ય લોટરીમાં પોતાનું નસીબ અજમાવવાનું નક્કી કર્યું. તેને ખ્યાલ નહોતો કે આ ટિકિટ તેને 1.5 કરોડ રૂપિયાનું ઇનામ અપાવશે.

હોસ્પિટલે 5 હજાર બીલ ઘટાડવાનો પણ કર્યો ઈન્કાર

જોકે, શરૂઆતમાં તેમની પત્ની તેમના નિર્ણયથી નાખુશ હતી. પરિવાર પહેલેથી જ આર્થિક રીતે સંઘર્ષ કરી રહ્યો હતો અને બે રૂમનું ઘર બનાવવા માટે લીધેલું દેવું ચૂકવવું પડ્યું હતું . તેમના પહેલા બાળકના આગમનની સાથે, તેઓ તબીબી ખર્ચનો પણ સામનો કરી રહ્યા હતા. સિંહે યાદ કર્યું કે જ્યારે તેમને મેડિકલ બિલ માટે રૂપિયાની જરૂર હતી ત્યારે તેમની પત્નીએ લોટરી ટિકિટ પર પૈસા ખર્ચવાના નિર્ણય પર સવાલ ઉઠાવ્યા હતા. તેમણે એ પણ ખુલાસો કર્યો કે ખાનગી હોસ્પિટલે તેમનું બિલ 5,000 રૂપિયા પણ ઘટાડવાનો ઇનકાર કર્યો હતો. ઘર ખર્ચ અને તબીબી ખર્ચાઓનું સંચાલન કરવાનો પ્રયાસ કરી રહેલા પરિવાર માટે, લોટરી ટિકિટ ખરીદવી એ પ્રાથમિકતા નહોતી. પરંતુ આ નિર્ણય આખરે અણધારી નાણાકીય પુરસ્કાર લઈને આવ્યો.

વધુ વાંચો : રામાપીરની બીજ ભરવા જતા પદયાત્રીઓને મીની ટ્રકે અડફેટે લીધા, દેસાઇ પરિવારના બે યુવકના મો*ત, ચાર ઘાયલ!

ઈનામમાં મળેલા દોઢ કરોડ રુપિયાનું શું કરશે?

લોટરી જીતવાથી પરિવારની આર્થિક પરિસ્થિતિ બદલાઈ ગઈ છે, પરંતુ સિંહે કહ્યું કે તેમની પ્રાથમિકતા તેમની પુત્રીનું શિક્ષણ અને ભવિષ્ય છે. મારી દીકરીએ મારું નસીબ બદલી નાખ્યું છે. તે પોતાની સાથે પોતાનું નસીબ પણ લાવી છે. હું તેના શિક્ષણ અને ભવિષ્ય પર પૈસા ખર્ચવા માંગુ છું જેથી તે પોતાના પગ પર ઉભી રહી શકે અને સારી નોકરી મેળવી શકે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ