ક્રાઈમ / "જીમમાં યુવતીઓની છેડતી કરતો" સુરેન્દ્રનગરમાં જીમ સંચાલકની ધરપકડ, વ્યાજ વટાવનો પણ આરોપ

સુરેન્દ્રનગરમાં ક્લબ 71 જીમ મામલે પોલીસે મોટી કાર્યવાહી કરી છે. પોલીસે શિવાલીક કોમ્પલેક્ષના ક્લબ 71 જીમના સંચાલક આમીન યાસીન મુલતાનીની ધરપકડ કરી છે. આરોપ છે કે આમીન મુલતાની જીમમાં આવતી યુવતીઓની છેડતી અને બ્લેકમેલિંગ કરતો હતો. તે ઉપરાંત તે વોટ્સએપ મારફતે ન્યુડ ફોટા મેળવી બ્લેકમેલિંગ પણ કરતો હતો. બળજબરીથી પૈસા કઢાવવાની પ્રવૃત્તિ તથા જીમની આડમાં ગેરકાયદેસર વ્યાજ વટાવની પ્રવૃતિમાં પણ સામેલ હોવાનો આરોપ લાગ્યો છે.

પોલીસ તપાસમાં શું શું મળ્યું?

પોલીસ તપાસમાં મોબાઇલ ફોન અને પેન ડ્રાઇવ મળી આવી છે. અલગ-અલગ બેંકોના કોરા ચેકો પણ પોલીસને મળ્યા છે. પોલીસે ગેરકાયદેસર હિસાબના ચોપડા કબજે કર્યા છે. દરોડા દરમિયાન, 5 મોબાઈલ ફોન, 4 પેન ડ્રાઈવ, 17 બેંકના ચેક, 9 આધારકાર્ડની નકલો અને 3 ગેરકાયદેસર હિસાબી ચોપડા સહિત કુલ 1,31,600 રૂપિયાનો મુદ્દામાલ જપ્ત કરાયો હતો.

પોલીસને શું મળી હતી ફરીયાદ?

પોલીસને ફરિયાદ મળી હતી કે અમીન મુલતાની જીમમાં આવતી છોકરીઓની છેડતી કરતો હતો. તે વોટ્સએપ દ્વારા ન્યુડ ફોટા પાડી બ્લેકમેલ કરતો અને પૈસા પડાવતો હતો. તે ગેરકાયદેસર વ્યાજ વટાવની પ્રવૃત્તિ પણ કરતો હતો.

વધુ વાંચો : ગુજરાતી પાઈલટ સ્મિત મચ્છરને મળ્યાં દુબઈના ક્રાઉન પ્રિન્સ, જોતાં જ ચૂમી લીધું માથું, સામે આવી તસવીરો

જીમને સીલ કરી દેવાયું

શિવાલિક કોમ્પ્લેક્સ અને 80 ફૂટ રોડ પર આવેલા તેના બંને ક્લબ 71 જીમને લાયસન્સ વગર ચાલતા હોવાથી સીલ કરી દેવામાં આવ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ