દારુબંધીના ધજાગરા / VIDEO : બાળકોને ઘેર મોકલી પાર્ટી કરી, સુરતની સ્કૂલમાં દારૂની મહેફિલનો વીડિયો વાયરલ

ભાવનગરમાં લઠ્ઠાકાંઠની વચ્ચે સુરતમાં પણ દારુની મહેફિલનો એક વીડિયો વાયરલ થયો છે. પોલીસે ભેસ્તાનમાં શાળામાં દારૂ પાર્ટી મામલે સિક્યોરિટી ગાર્ડ સહિત 4 લોકોની ધરપકડ કરી છે. સિદ્ધાર્થનગરની સરકારી શાળામાં દારૂની મહેફિલનો વીડિયો થયો હતો વાયરલ થયો હતો.

રમી રહેલા બાળકોને ભગાડીને રાખી પાર્ટી

ઘટના સમયે શાળાના પરિસરમાં બાળકો રમી રહ્યા હતા. આ દરમિયાન સુરક્ષાકર્મીએ બાળકોને ત્યાંથી તગેડી મૂક્યા હતા. ત્યારબાદ બહારથી કેટલાક લોકોને શાળાના પરિસરમાં બોલાવવામાં આવ્યા અને શાળાના એક રૂમમાં દારૂની પાર્ટી કરવામાં આવી હોવાનો આક્ષેપ છે.

વધુ વાંચો : ICICI બેંક અધિકારી દિવ્યા મિશ્રાની હત્યા, પતિએ ગોળીએ ઉડાવી, પછી બહેનની હત્યા, અંતે આપઘાત

વિદ્યાર્થીએ વીડિયો બનાવ્યો

દારૂ પાર્ટીનો વીડિયો કોઈ વિદ્યાર્થીએ પોતાના મોબાઈલ ફોનમાં ઉતારી લીધો હતો. ત્યારબાદ સુરક્ષાકર્મીને જાણ થતાં તેણે વિદ્યાર્થી પાસે વીડિયો ડિલિટ કરાવ્યો હતો. અન્ય એક વિદ્યાર્થીએ પણ સમગ્ર ઘટનાનો વીડિયો પોતાના મોબાઈલમાં ઉતારી લીધો હતો. આ વીડિયો બાદમાં સોશિયલ મીડિયામાં વાયરલ થતાં સમગ્ર મામલો સામે આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ