સુરતના સરથાણા વિસ્તારમાં એક ઢોંગી ભૂવાએ પરિણીતા પર દુષ્કર્મ આચરી રૂપિયા 14 લાખ રૂપિયા જેટલી મતબર રકમ પડાવી લીધાની ફરિયાદ નોંધાઈ છે. પોલીસે આરોપી ભૂવાની ધરપકડ કરી વધુ તપાસ હાથ ધરી છે
ભૂવાએ દુષ્કર્મ આચર્યું અને 14 લાખ પડાવ્યા
વિગતે વાત કરીએ તો સરથાણા જકાતનાકા વિસ્તારમાં આવેલી એક સોસાયટીમાં રહેતી મહિલાની આર્થિક સ્થિતિ નબળી હતી. જેને લઈને તેમણે આ ભુવાના સંપર્કમાં આવ્યા હતાં. જેથી આ મહિલા અવારનવાર સરથાણા સિલ્વર ચોક પ્રમુખ સોસાયટીમાં રહેતા કનુ નારાયણ કોરસ નામના ભૂવાના ઘરે દર્શન કરવા જતા હતા. જેમણે તેમની સમસ્યાઓની વાત ભૂવાની કરી હતી. આ દરમિયાન ભુવા અને તેમની પત્ની ફરિયાદી મહિલાને એવી સલાહ આપી હતી કે તમારા ઘરમાં જે પરિસ્થિતિ છે તેને સુધારવા માટે થોડીક વિધિ કરવી પડશે.
વાંચવા જેવું: આને કહેવાય વિકાસ! પોરબંદરમાં સિમેન્ટના રોડ પર પથરાયો ડામર, જુઓ વીડિયો
પોલીસે આરોપીની ધરપકડ કરી
જે માટે થોડો ખર્ચો થશે જેથી તે મહિલા ટુકડે ટુકડે આ ભુવાને અંદાજિત 14 લાખ જેટલી મતદાર રકમ આપી હતી. આ દરમિયાન ભુવાએ વિધિના નામે ફરિયાદી મહિલા સાથે દુષ્કર્મ પણ આચર્યું હતું. આ સમગ્ર મામલામાં મહિલાને છેતરાયાની અને પોતાની સાથે છેતરપિંડી થયાની જાણ થતા પોલીસ સ્ટેશન પહોંચી હતી. જો કે, સમગ્ર મામલાને લઈ સરથાણા પોલીસે ભુવા કનુ નારાયણપુરા સામે ફરિયાદ નોંધીને ભૂવા કનુ નારાયણ કોરાટની ધરપકડ કરી વધુ તપાસ હાથ ધરી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
