લગ્નસરાની સિઝન શરૂ થાય તે પહેલા જ સોનાના ભાવમાં તોફાની ઉછાળો જોવા મળી રહ્યો છે. બુલિયન માર્કેટમાં સોના (ગોલ્ડ રેટ)ની કિંમત ઝડપથી વધી રહી છે. માત્ર 7 કારોબારી દિવસો દરમિયાન સોનું 4580 રૂપિયા મોંઘુ થઈ ગયું છે, જ્યારે ચાંદીના રેટમાં 7973 રૂપિયાનો ઉછાળો આવ્યો છે. મંગળવારે દેશભરમાં સોનાનો સરેરાશ દર 71832 રૂપિયા પ્રતિ 10 ગ્રામ અને ચાંદી 82100 રૂપિયા પ્રતિ કિલોની સર્વોચ્ચ સપાટીએ બંધ રહ્યો હતો.
વધુ વાંચો : સોનાના ભાવ લાઈફ ટાઈમ હાઈ પર, જાણો અત્યારે સોનું ખરીદાય કે વેચાય
સતત ત્રીજા દિવસે સોનામાં ભાવમાં વધારો
બુધવારે પણ સોના-ચાંદીના ભાવમાં સતત વધારો ચાલુ છે. સતત ત્રીજા દિવસે સોના-ચાંદીના ભાવમાં જબરદસ્ત ઉછાળો જોવા મળ્યો છે. આજે 24K સોનું 7205 રૂપિયા પ્રતિ ગ્રામ પર ખુલ્યું, જ્યારે 1 કિલો ચાંદીનો ભાવ 82468 રૂપિયા હતો. સોના-ચાંદીના ભાવ ઓલટાઈમ હાઈ લેવલે ટ્રેડ થઈ રહ્યા હતા. મંગળવારે દિલ્હીમાં સોનું 140 રૂપિયા વધીને 71,840 રૂપિયા પ્રતિ 10 ગ્રામ પર પહોંચી ગયું હતું, જ્યારે સોમવારે સોનું 71,700 રૂપિયા પ્રતિ 10 ગ્રામ પર બંધ થયું હતું.
વિદેશી બજારોની મજબૂતીને કારણે ભારત પર અસર
એચડીએફસી સિક્યોરિટીઝના એક્સપર્ટ સૌમિલ ગાંધીએ જણાવ્યું હતું કે વિદેશી બજારોમાં મજબૂતીના સંકેત છે, જેના કારણે ભારતમાં પણ તેની અસર જોવા મળી રહી છે.
સોનું ક્યારે 1 લાખને પાર કરશે?
મુથુટ ફાઇનાન્સે ગોલ્ડ રેટ માટે ટાર્ગેટ આપ્યો છે. તેમણે કહ્યું છે કે સોનાના ભાવમાં આ વધારો આગળ પણ ચાલુ રહેશે અને 2029 સુધીમાં સોનું 1 લાખ રૂપિયાને પાર કરી જશે અને ભાવ 1,01,786 રૂપિયા પ્રતિ 10 ગ્રામ થઈ જશે. 2028માં સોનું 92,739 રૂપિયા અને 2030માં સોનાનો ભાવ 1,11,679 રૂપિયા પ્રતિ 10 ગ્રામ રહેશે.
અમદાવાદમાં સોનાનો ભાવ કેટલો
અમદાવાદમાં આજે (બુધવાર તા. 10.04.2024)ના દિવસે 24 કેરેટ, 10 ગ્રામના હિસાબે, નો ભાવ 74,065 રુપિયા છે. 22 કેરેટનો ભાવ 71,000થી 72,000ની વચ્ચે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
