રોકાણ / સોનાના ભાવ લાઈફ ટાઈમ હાઈ પર, જાણો અત્યારે સોનું ખરીદાય કે વેચાય

રાષ્ટ્રીય રાજધાનીમાં સોનાની કિંમત (Gold Price) 72118 રૂપિયા પ્રતિ 10 ગ્રામના નવા રેકોર્ડ સ્તરે પહોંચી ગઈ છે. આજકાલ અમદાવાદમાં સોનાનો ભાવ 69500 રૂપિયા પ્રતિ 10 ગ્રામની આસપાસ ચાલી રહ્યો છે. સોનાના ભાવ (Gold Price) માં આ વધારો વૈશ્વિક બજારમાં તેજી અને સ્થાનિક માંગમાં વધારાને કારણે થયો છે. આવી સ્થિતિમાં જો તમે સોનામાં રોકાણ કરો છો તો હવે શું કરવું? શું હજુ પણ સોનું ખરીદવું કે વેચવું? કે પછી રાહ જોવી? બુલિયન નિષ્ણાતોનું કહેવું છે કે લાંબા ગાળે સોનાનો ભાવ હજુ વધશે. આવી સ્થિતિમાં, જો તમે લાંબા ગાળા માટે સોનાના સિક્કા અથવા દાગીના ખરીદવા માંગતા હો, તો ભાવ ઘટે તરત જ ખરીદી લો. જ્યારે તમને પૈસાની જરૂર હોય ત્યારે જ તમારું સોનું વેચો. લગ્નસરાની સિઝનને કારણે સોનાના ભાવમાં ટૂંક સમયમાં કોઈ મોટો ઘટાડો થવાની સંભાવના નથી.

આ રીતે થયો સોનાના ભાવમાં વધારો 

વૈશ્વિક બજારમાં સપ્ટેમ્બર 2023માં સોનાની કિંમત 1810 ડોલર પ્રતિ ઔંસની નીચી સપાટીએ પહોંચી ગઈ હતી. જોકે, એ પછી 500 ડોલર પ્રતિ ઔંસનો વધારો થઈ ચુક્યો છે. ગયા વર્ષે આ સમયે સોનાની કિંમત (Gold Price) 56,000 રૂપિયા અને 57,000 રૂપિયા પ્રતિ 10 ગ્રામની વચ્ચે હતી. આ વર્ષે વ્યાજ દરમાં કોઈપણ સમયે ઘટાડો થઈ શકે છે. એવામાં સોનાનાં ભાવમાં વધુ ઉછાળો જોવા મળી શકે છે. ગયા વર્ષના રેકોર્ડ પર નજર કરીએ તો સોનાનો ભાવ બમણાથી પણ વધારે વધી ગયો છે.

આ કારણે થયો સોનાના ભાવમાં વધારો 

સમગ્ર વિશ્વમાં કેન્દ્રીય બેંકો દ્વારા મોટા પ્રમાણમાં સોનાની ખરીદી કરવામાં આવી રહી છે. આ કારણે સોનાની જબરદસ્ત માંગ છે. આ ભાવ વધારવાનું કામ કરી રહી છે.

ઇઝરાયેલ, હમાસ, રશિયા અને યૂક્રેન સહિત પશ્ચિમ એશિયામાં તણાવમાં વધારો થવાની આશંકાથી સલામત રોકાણના વિકલ્પ તરીકે સોનાની માંગ વધી છે. આને કારણે પણ ભાવ વધી રહ્યો છે. 

સોનામાં તાજેતરમાં વધારો થવાનું કારણ યુએસ સેન્ટ્રલ બેંક ફેડરલ રિઝર્વના ચેરમેન જેરોમ પોવેલનું નિવેદન છે. તેમણે કહ્યું છે કે અમેરિકામાં વ્યાજ દરમાં ઘટાડો ગમે ત્યારે શરૂ થઈ શકે છે.

લગ્નની સિઝન શરૂ થવાને કારણે ભારતમાં સોનાની ભારે માંગ છે. આ પણ ભાવ વધારવાનાં પરિબળ તરીકે કામ કરી રહ્યું છે.

વધુ વાંચો: Fixed Depositમાં રોકાણ કરવાનું વિચારી રહ્યા છો? અહીં મળશે 9.60% સુધીનું વ્યાજ, જાણો

અમેરિકી ડોલર સામે રૂપિયાની નબળાઈએ સોનાની આયાત મોંઘી કરી દીધી છે. જેના કારણે પણ સોનાના ભાવ (Gold Price) માં વધારો થયો છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો