રાજ્યની 10, 879 ગ્રામ પંચાયતની ચૂંટણીની તારીખો જાહેર, કુલ 2 કરોડ 6 લાખ 53 હજાર મતદારો આ ચૂંટણીમાં ભાગ લેશે
રાજ્ય ચૂંટણી આયોગે ચૂંટણી કાર્યક્રમની કરી જાહેરાત
19 ડિસેમ્બરે મતદાન, 21 ડિસેમ્બરે પરિણામ
રાજ્યની 10 હજાર કરતા વધુ ગ્રામ પંચાયતની ચૂંટણી યોજાશે
ગુજરાતમાં ગ્રામ પંચાયતની ચૂંટણીના પડઘમ વાગી ચૂક્યા છે. ગુજરાતમાં ગ્રામ પંચાયતની ચૂંટણી ડિસેમ્બરના બીજા સપ્તાહમાં યોજાશે.19 ડીસેમ્બરે મતદાન, 21 ડિસેમ્બરે મતગણતરી થશે નવેમ્બરના અંતિમ સપ્તાહમાં ગ્રામ પંચાયતની ચૂંટણી જાહેર થઈ ચૂકી છે. રાજ્યની 10 હજાર કરતાં વધુ ગ્રામ પંચાયતની ચૂંટણી યોજાશે. 1 હજાર ગ્રામ પંચાયતમાં પેટાચૂંટણી યોજાશે. ગ્રામ પંચાયતની ચૂંટણીમાં બેલેટ પેપરથી મતદાન થશે. ચૂંટણી આયોગે ગ્રામ પંચાયતની ચૂંટણીની તૈયારી પૂર્ણ કરી. કુલ 2 કરોડ 6 લાખ 53 હજાર મતદારો આ ચૂંટણીમાં ભાગ લેશે
રાજ્ય ચૂંટણી કમિશનર સંજય પ્રસાદે ગ્રામપંચાયતની ચૂંટણી તારીખો જાહેર કરી
રાજ્યમાં કુલ 10882 ગ્રામ પંચાયત માટે ચૂંટણીની તારીખો જાહેરાત થતાં જ આજથી આચારસહિતા પણ લાગુ થઇ ગઈ છે. જો ચૂંટણી કાર્યક્રમના તારીખો વિશે વિગતવાર માહિતી મેળવીએ તો ચૂંટણી જાહેરાત તારીખ 22 નવેમ્બર એટલે કે આજ સાંજ 4 વાગ્યાની છે. જાહેરનામુ પ્રસિદ્ધ કરવાની તારીખ 29 નવેમ્બર છે એટલે કે ઉમેદવારો આ તારીખથી પોતાની દાવેદારી પત્રક ભરી શકશે. 4થી ડિસેમ્બર ફોર્મ ભરવાનો છેલ્લો દિવસ છે જે બાદ 6 ડિસેમ્બર ફોર્મ ચેકિંગ કરવાની તારીખ જાહેર કરવામાં આવી છે. 19 ડિસેમ્બરે ચૂંટણીનું મતદાન તમામ ગ્રામપંચાયતમાં યોજાશે અને જો જરુર પડે તો 20 ડિસેમ્બરે પુનઃ મતદાન પણ યોજાઇ શકે છે. સવારે 7 થી સાંજે 6 વાગ્યા સુધી લોકો મતાધિકારનો ઉપયોગ કરી શકશે. જે બાદ 21 ડિસેમ્બરે મત ગણતરી યોજાશે. 24 તારીખે ચૂંટણીની તમામ પ્રક્રિયા પૂર્ણ થઇ જશે. મતદાન વખતે ચૂંટણી ઓળખકાર્ડ રજૂ કરવું પડશે. કોરોના નિયમનું પણ ખાસ ધ્યાન રાખવામાં આવશે. ગ્રામ પંચાયતની ચૂંટણી પ્રક્રિયામાં નોટાનો પણ ઉપયોગ કરી શકાશે. સમરસ ગ્રામપંચયાત પર કોઈ ચૂંટણી થશે નહીં તેવી જાહેરાત પણ ચૂંટણી પંચ દ્વારા કરવામાં આવી છે.
ગ્રામપંચાયત ચૂંટણીની તવારીખ
22 નવેમ્બર : ચૂંટણી જાહેરાત
29 નવેમ્બર : નોટીસ અને જાહેરાનામાં પ્રસિદ્ધ કરવાની તારીખ
બેલેટ પેપરથી થશે મતદાન
ચૂંટણી પંચના જણાવ્યા અનુસાર બેઠકો પ્રમાણે EVM મશીન વ્યવસ્થા ન હોવાથી બેલેટ પેપરથી ચૂંટણી યોજાશે અને ચૂંટણી પંચ દ્વારા તમામ પ્રકારનું આયોજન હાથ ધરી દેવામાં આવ્યું છે. ગ્રામ પંચાયતોની ચૂંટણીની તારીખો જાહેર થતાની સાથે જ આચારસંહિતા લાગુ થઈ ગઈ છે.
કયા જિલ્લામાં કેટલી ગ્રામપંચાયત માટે ચૂંટણી
અમદાવાદ
411
જામનગર
268
પાટણ
208
અમરેલી
528
જૂનાગઢ
432
પોરબંદર
135
અરવલ્લી
231
ડાંગ
70
બનાસકાંઠા
653
આણંદ
213
તાપી
268
બોટાદ
157
કચ્છ
482
દાહોદ
361
ભરૂચ
503
ખેડા
432
દેવભૂમિ દ્વારકા
175
ભાવનગર
437
ગાંધીનગર
179
નર્મદા
200
મહિસાગર
273
ગીર સોમનાથ
299
નવસારી
322
મહેસાણા
163
છોટા ઉદેપુર
247
પંચમહાલ
379
મોરબી
320
રાજકોટ
548
વલસાડ
334
સુરત
498
વડોદરા
329
સાબરકાંઠા
325
સુરેન્દ્રનગર
499
કુલ કેટલા મતદારો
1 કરોડ 06 લાખ 46 હજાર 524 પરુષ મતદારો
1 કરોડ 6 હજાર 850 સ્ત્રી મતદારો
2 કરોડ 06 લાખ 53 હજાર 374 કુલ મતદારો
મતદાન મથકો અને મતપેટીની સંખ્યા
કુલ મતદાન મથકો- 27085
મતપેટીની જરૂરિયાત - 54387
ઉપલબ્ધ મતપેટીની સંખ્યા- 64620
કેટલા ચૂંટણી અધિકારી, કર્મચારી અને પોલીસ સ્ટાફ
ચૂંટણી અધિકારીઓની સંખ્યા - 2657
મદદનીશ ચૂંટણી અધિકારીની સંખ્યા - 2990
પોલીંગ સ્ટાફની સંખ્યા - 157722
પોલીસ સ્ટાફની સંખ્યા - 58835
ગ્રામ પંચાયતના કેટલા વોર્ડ
10 હજાર 117 ગ્રામ પંચાયત....88211 ગ્રામ પંચાયતોના કુલ વોર્ડ
65- વિભાજન પંચાયતો- 568 વોર્ડ
697 ગ્રામ પંયાતોની 923 વોર્ડની પેટા ચૂંટણી
10284 સરપંચ ચૂંટાશે
ચૂંટણી પહેલા 153 ગ્રામ પંચાયતોના વિભાજનને મંજૂરી
આ વખતે ગ્રામ પંચાયતની ચૂંટણીમાં EVMનો ઉપયોગ નહીં થાય તેવો નિર્દશ ચૂંટણી પંચ દ્વારા કરાયો છે ત્યારે રાજ્ય સરકાર દ્વારા પણ 153 ગ્રામ પંચાયતોના વિભાજનને મંજૂરી આપી દેવામાં આવી છે. મહત્વનું છે કે ગ્રામ પંચાયતની ચૂંટણી બેલેટ પેપરથી યોજાનાર છે એવામાં રાજ્યમાં નવી 191 ગામોમાં પંચાયત સ્થાપવા મંજૂરી અપાઇ છે. હાલ રાજ્યમાં 18,225 ગામોમાં 14,929 ગ્રામ પંચાયતો અસ્તિત્વમાં છે. જેમાં નવી 191 ગ્રામ પંચાયતોને મંજૂરી મળતા હવે રાજ્યમાં 15,120 ગ્રામ પચાયતો થશે, તેમાંથી 10 હજાર ગ્રામ પંચાયતની ચૂંટણી થશે. પંચાયત વિભાગે ગ્રામપંચાયતોની મંજૂરી માટે નોટિફિકેશન પણ જાહેર કર્યું છે. રાજ્યના 300 ગામો એવા છે જ્યાં વસ્તી 200 લોકોથી ઓછી છે જેમાં કચ્છ સૌથી વધુ 47 ગામોમાં 200 લોકો કરતાં ઓછી વસતી છે. તેવામાં ગ્રામ પંચાયતની ચૂંટણી પહેલા જ રાજ્ય સરકારે ગ્રામ પંચાયતોના વિભાજનને મંજૂરી આપી દીધી હતી.