મોટા સમાચાર / એવું તે શું થયું? કે 35 ભારતીય માછીમારોની કરાઇ અટકાયત, દરેકનો પરિવાર ચિંતિત

શ્રીલંકાની નૌસેનાએ ભારતીય સમુદ્રી સીમા ઉલ્લંઘનના આરોપસર 35 ભારતીય માછીમારોને ઝડપ્યા છે. ધરપકડમાં આવેલા તમામ માછીમારો તમિલનાડુ અને પુડુચેરી રાજ્યના હોવાનું પ્રાથમિક રીતે જાણવા મળ્યું છે.

આ કાર્યવાહી દરમિયાન એક નેશનલ બોટ અને ત્રણ મોટરબોટ પણ જપ્ત કરવામાં આવી છે. નૌસેનાએ જણાવ્યું છે કે આ બોટો શ્રીલંકાના દરિયાકાંઠા પાસે અનધિકૃત રીતે માછીમારી કરતી હતી, જેના કારણે તેમને અટકાવવામાં આવી.

ઘટનાની જાણ થતાં જ ધરપકડ કરાયેલા માછીમારોના કુટુંબોમાં ભારે ચિંતા ફેલાઈ છે. ઘણા પરિવારો પોતાના સભ્યોની સલામતીને લઈને ચિંતિત છે અને ભારત સરકાર પાસે તરત પગલાં લેવાની માગ કરી છે.

આ અગાઉ ગત ફ્રેબ્રુઆરી માસમાં શ્રીલંકાએ ૩૨ ભારતીય માછીમારોની ધરપકડ કરી હતી. ટાપુ રાષ્ટ્ર ( શ્રીલંકા)ના જળવિસ્તારમાં કથિત રીતે પ્રવેશ કરવાના આરોપમાં પાંચ માછીમારી બોટ પણ જપ્ત કરવામાં આવી હતી.

આ પણ વાંચોઃ SIRને લઇ ચૂંટણી પંચ કંઇક મોટું કરવાની તૈયારીમાં? જાણો ગાંધીનગરનું આયોજન

વર્ષ ૨૦૨૪માં ટાપુ રાષ્ટ્રના નૌકાદળે શ્રીલંકાના જળવિસ્તારમાં ગેરકાયદે પ્રવેશવાના આરોપસર ૫૨૯ ભારતીય માછીમારોની ધરપકડ કરી હતી. ઉલ્લેખનીય છે કે ભારત અને શ્રી લંકા વચ્ચેના સંબંધોમાં માછીમારોનો મુદ્દો એક વિવાદાસ્પદ મુદ્દો રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ