સ્પોર્ટ્સ / Video: 'મુંબઈ ચા રાજા' ના કહો, રોહિત શર્માએ કેમ હાથ જોડીને ફેન્સને કરી આવી અપીલ

સોશિયલ મીડિયામાં રોહિત શર્માનો જે વીડિયો ફરી રહ્યો છે તેમાં રોહિત હાથ જોડીને અપીલ કરતાં નજરે પડી રહ્યા છે. જાણો શું છે વીડિયોમાં?

શું છે ઘટના?

રોહિત શર્માના ચાહકોની યાદી ખૂબ જ લાંબી છે. પરંતુ ગણપતિ પંડાલમાં રોહિતે જે કર્યું તે જાણ્યા પછી તેમની ઈજ્જત તમારા દિલમાં ચોક્કસ વધી જશે. સોશિયલ મીડિયામાં હાલ એક વીડિયો ખૂબ જ વાયરલ થઈ રહ્યો છે. આ વીડિયોમાં જોઈ શકાય છે કે ‘હિટમેન’ રોહિત શર્મા ગણપતિ પંડાલમાં પૂજા-પાઠ કરતાં નજરે પડી રહ્યા છે.

પંડાલમાં પૂજા દરમિયાન તેમના કેટલાક ચાહકો નારો લગાવવા લાગ્યા, "મુંબઈનો રાજા કોણ?" અને જવાબમાં ચાહકો રોહિતનું નામ બોલવા લાગ્યા, પરંતુ આ વાત તેમને પસંદ આવી નહીં. રોહિતે માથું ઉંચું કરી ઇશારો કર્યો કે આ બંધ કરો અને હાથ જોડીને નમ્રતાપૂર્વક ચાહકોને વિનંતી કરવા લાગ્યા.

અહીં જુઓ વાયરલ વીડિયો

રોહિત શર્માએ પાસ કર્યો ટેસ્ટ

હાલમાં ભારતીય ખેલાડીઓનો ફિટનેસ ટેસ્ટ લેવામાં આવ્યો હતો, જેમાં રોહિત શર્મા ફિટનેસ અને તંદુરસ્તી ટેસ્ટ પાસ કરી ચૂક્યા છે. કહેવાય છે કે રજાના દિવસોમાં પણ તેમણે પોતાની ફિટનેસ પર ખાસ ધ્યાન આપ્યું હતું.

ટેસ્ટ અને T20 ફોર્મેટને કહ્યું અલવિદા

રોહિત શર્મા પહેલેથી જ ટેસ્ટ અને T20 ઇન્ટરનેશનલ ક્રિકેટમાંથી સંન્યાસ લઈ ચૂક્યા છે, પરંતુ તેઓ હજુ પણ વનડે ફોર્મેટમાં સક્રિય છે.

વધુ વાંચો : એવાં 2 ખેલાડીઓ, જેને BCCI આપે છે રોહિત-કોહલી સમકક્ષ સેલરી, નામ ચોંકાવનારા

‘હિટમેન’ રોહિત શર્માએ સૌપ્રથમ ભારતીય ટીમને 2024માં T20 વર્લ્ડ કપનો ખિતાબ અપાવ્યા બાદ T20 ફોર્મેટને અલવિદા કહ્યું હતું. ત્યારબાદ તાજેતરમાં ઇંગ્લેન્ડ પ્રવાસ પહેલાં તેમણે રેડ બૉલ ક્રિકેટને પણ અલવિદા કહી દીધું. હવે તેઓ માત્ર વનડે ફોર્મેટમાં જ સક્રિય રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ