સ્પોર્ટ્સ / IND vs PAK: કારમી હાર બાદ પાકિસ્તાની કેપ્ટન સલમાન આગાનું નિવેદન, ફોડ્યું પરાજયનું ઠીકરું

એશિયા કપ 2025નો સુપર-4નો બીજો મુકાબલો ભારત અને પાકિસ્તાન વચ્ચે દુબઈ ઇન્ટરનેશનલ સ્ટેડિયમમાં રમાયો હતો. આ ટૂર્નામેન્ટમાં ભારત અને પાકિસ્તાન વચ્ચેની આ બીજી ટક્કર હતી. જેમાં ફરીથી પાકિસ્તાનને ભારત સામે હાર સ્વીકારવી પડી છે.

હાર બાદ પાકિસ્તાન ટીમના કેપ્ટન સલમાન આગાએ એક ઇન્ટરવ્યૂમાં તેમની હારનું કારણ જણાવ્યું છે. જાણો શું કહ્યું પાકિસ્તાની કેપ્ટનએ?

હાર બાદ શું બોલ્યા પાકિસ્તાની કેપ્ટન?

ભારત સામે મળેલી હાર બાદ પાકિસ્તાન ટીમના કેપ્ટન સલમાન આગાએ કહ્યું,

“અમારે હજુ પણ એક પરફેક્ટ રમત રમવાની બાકી છે, પરંતુ અમે એ દિશામાં આગળ વધી રહ્યા છીએ. એક શાનદાર રમત હતી, પરંતુ પાવરપ્લેમાં તેમણે અમારી પાસેથી મેચ છીનવી લીધી. 10 ઓવરના અંતે અમે જે સ્થિતિમાં હતા, તેને જોતા 10-15 રન વધુ કરી શકતા. 170-180 સારો સ્કોર થાત, પણ પાવરપ્લેમાં તેમણે અદ્ભુત બેટિંગ કરી અને તેના કારણે જ ફરક પડ્યો.”

તેમણે આગળ ઉમેર્યું કે,

“જો તમને લાગે કે બોલર રન લૂંટે છે, તો બદલાવ કરવાની જરૂર પડે છે, T20માં આવું જ થાય છે. ઘણા પોઝિટિવ પાસાં છે, જેમ ફખરે બેટિંગ કરી, ફરહાને બેટિંગ કરી અને હૈરીએ બોલિંગ કરી. હવે શ્રીલંકા સામેના આગામી મુકાબલાની આતુરતાથી રાહ છે.”

પાકની બીજી વાર ભારત સામે હાર

પાકિસ્તાનને એશિયા કપ 2025માં બીજી વાર ભારત સામે હારનો સામનો કરવો પડ્યો છે. તે પહેલાં લીગ મુકાબલામાં ભારતે પાકિસ્તાનને 7 વિકેટથી હરાવ્યુ હતું. જ્યારે હવે સુપર-4માં 6 વિકેટથી હરાવ્યું છે.

વધુ વાંચો : VIDEO: પાકિસ્તાનનું નાક કાપ્યું! કેપ્ટન સૂર્યકુમાર યાદવે શબ્દોના ગોળા છોડ્યા, દિલ પર ઘા કર્યો

આ મેચમાં પાકિસ્તાને પહેલા બેટિંગ કરતાં 171 રન બનાવ્યા હતા અને ટીમ ઇન્ડિયાને જીત માટે 172 રનનું લક્ષ્ય આપ્યું હતું, પરંતુ ભારતીય ટીમે 4 વિકેટ ગુમાવીને 18.5 ઓવરમાં આ લક્ષ્ય હાંસલ કરી લીધું. ટીમ ઇન્ડિયાની તરફથી અભિષેક શર્માએ સૌથી વધુ 74 રનની ધમાકેદાર ઇનિંગ રમી હતી, જેમાં તેમણે 6 ચોગ્ગા અને 5 છગ્ગા ફટકાર્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ